| e-texts navigator |
| Wylie |
361a1 ལྟ་བ་གསལ་བ་དང་།། གསང་སྔགས་སྡོམ་ལ་གནས་པ་དང་།། གསང་སྔགས་ཕྱག་རྒྱ་མ་ཉམས་དང་།། ཡོ་བྱད་ཚོགས་ན་ངེས་པར་འགྲུབ།། མི་ལྡན་དོན་རྣམས་བརླག་པར་འགྱུར།། ཞེས་གསུངས་སོ།།
361a2 དེ་ལ་འདི་ནི་མི་འགྲུབ་པའི་ཆད་པའོ།། བསྙེན་བསྒྲུབ་རིམ་པར་མ་རྫོགས་པར།། དངོས་ལ་ཞེན་ཅིང་སྒྲུབ་བྱེད་པ།། རང་རྒྱུད་སྲེག་པར་གདོན་མི་ཟ།། ཞེས་གསུངས་སོ།། དེ་ལ་འདི་ནི་བསྒྲུབས་ནས་མ་གྲུབ་པའི་ཆད
361a3 པའོ།། བཀའ་བཞིན་སྒྲུབ་པའི་རྣལ་འབྱོར་པས།། དུས་བཞིན་གྲུབ་པར་མ་གྱུར་ན།། རྡོ་རྗེ་སེམས་དཔའ་ལ་སོགས་པའི།། ཡེ་ཤེས་ལས་གྲུབ་ལྷ་རྣམས་ཀྱང་།། ཚལ་པར་འགས་པ་གདོན་མི་ཟ།། ཞེས་གསུངས་སོ།།
361a4 དངོས་གྲུབ་གཞན་དག་དེ་དག་ཏུ།། མི་ཟད་བསམ་གྱིས་མི་ཁྱབ་སྟེ།། དེ་དག་ལ་སོགས་བསམ་ཡས་མཆོག། ཆོས་དབྱིངས་མཉམ་དང་མི་མཉམ་དང་།། ནམ་མཁའ་དབྱིངས་ཀྱི་མཐའ་ཀླས་པ།། བརྗོད་མེད་བརྗོད
361a5 ཀས་འདས་པ་ཡི།། དངོས་གྲུབ་ཇི་ལྟར་འདོད་པ་འགྲུབ།། ཅེས་གསུངས་སོ།། འཕགས་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་དངོས་གྲུབ་བསྒྲུབ་པའི་རྣམ་གྲངས་བཤད་པའི་ལེའུ
361a6 སྟེ་བཅུ་གཉིས་པའོ།། །། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེ་མི་འདའ་བ་དམ་ཚིག་གི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས།། ཉིད་ཀྱི་སྐུ་དང་གསུང་དང་ཐུགས་རྡོ་རྗེ
iiif viewer powered by OpenSeadragon
