| e-texts navigator |
| Wylie |
360b1 དབབ་བཟླས་པ་རྟགས་བྱུང་དང་།། བསྡུ་དང་བཏག་བཙག་གཞལ་བ་བྱ།། མཚན་ལྔ་སྣོད་དུ་རྒྱ་ཡིས་གདབ།། རིགས་དང་མཐུན་པའི་གཟུངས་ཀྱིས་གདགས།། དབང་བསྐུར་བྱིན་བརླབ་ཚུལ་བཞིན་བྱ།། ཏིང་འཛིན
360b2 མི་གཡེང་འབྱོངས་པ་དང་།། དངོས་གྲུབ་བླང་བ་ལ་སོགས་བྱ།། དེ་ནས་རིལ་བུའམ་འདི་གུའམ།། སྐྱོ་མ་ལ་སོགས་ཅི་རིགས་པར།། རྣལ་འབྱོར་མཆོག་གིས་སྤྱད་པར་བྱ།། ཞེས་གསུངས་སོ།། དེ་ལ་འདི་ནི་སྟན
360b3 བསྒྲུབ་པའི་ཐབས་སོ།། གང་ཡང་རུང་བའི་སེམས་ཅན་དེ།། ལས་བབ་པ་ཡི་རྣལ་འབྱོར་པས།། རཾ་ཡཾ་ཁཾ་གིས་སྲེག་སྦྱང་བྱ།། རྒྱུད་དྲུག་ས་བོན་འབྲུ་སྔས་སྦྱང་།། རོལ་པའི་ཚུལ་གྱིས་བསྒྲལ་བྱ་ཞིང་།། རྣམ་ཤེས་སྦྱོར
360b4 བའི་ལྷུམས་སུ་འཕང་། བྱང་ཆུབ་སེམས་ཀྱི་འཕྲོ་འདུ་ཡིས།། སྐུ་བསྐྱེད་ཡེ་ཤེས་སྐུར་སྤྲོས་ཏེ།། རྫོགས་སངས་རྒྱས་ལ་སོམ་ཉི་མེད།། ཅེས་གསུངས་སོ།། དེ་ལ་འདི་ནི་ག་ཎ་བསྒྲུབ་པའི་ཐབས་སོ།། མཚན་དང་ལྡན
360b5 པའི་གཟུངས་མ་ལ།། བསྙེན་སྒྲུབ་ལུང་བཞིན་སྦྱོར་བར་བྱ།། དཀར་དམར་འདྲེས་པའི་བྱང་ཆུབ་སེམས།། རྡོ་རྗེ་ལྕེ་ཡིས་བླང་བར་བྱ།། སངས་རྒྱས་རྣམས་ལ་མཆོག་པར་བྱ།། འགྲོ་དྲུག་སྒྲིབ་པར་སྦྱོང་བར་བྱེད།།
360b6 ཅེས་གསུངས་སོ།། དེ་ལ་འདི་ནི་སྤྱིར་སྒྲུབ་པའི་ཐབས་སོ།། ཡི་དམ་བཅས་པ་བཏང་ན་ཡང་།། བདག་ལུས་ཕྱལ་བར་མི་གཏང་ཞིང་།། དེ་ཉིད་དྲན་པ་ཆེན་པོར་བྱ།། འཕགས་པ་མཆོད་པར་བརྩོན་པ་དང་།། རང་གི
iiif viewer powered by OpenSeadragon
