| e-texts navigator |
| Wylie |
360a1 ཕྱོགས་བཅུར་དེ་ལྟར་གོམས་བྱས་ནས།། དཔལ་ཚེ་གཟི་བྱིན་ཐམས་ཅད་ཐོབ།། ཅེས་གསུངས་སོ།། དེ་ལ་འདི་ནི་བདུད་རྩི་བསྒྲུབ་པའི་ཐབས་སོ།། མཎྜལ་ཚད་དང་མཐུན་པ་ལ།། དབུས་སུ་པདྨ
360a2 འདབ་བརྒྱད་བྲི།། གྲུ་ཆད་ཟླ་གམ་བཞི་པར་བྱ།། གཞན་ཡང་ཟླ་གམ་ཅི་རིགས་དགྲམ།། པདྨའི་རྩེ་ལ་རིན་པོ་ཆེ།། གེ་སར་དག་གིས་མཛེས་པར་བྱ།། ཕྱག་རྒྱ་འབར་བའི་ལྷ་ཚོགས་དགོད།། དབུས་སུ་ཚངས་པའི
360a3 སྐུད་པ་ཅན།། སུལ་མེད་དུང་ཅན་འཁོར་བར་གཞག། ཤར་དུ་སུལ་འགྲེར་དེ་བཞིན་ཏེ།། ལྷོ་རུ་དཔག་བསམ་ཤིང་བུ་ཅན།། ནུབ་ཏུ་ཤོང་བའི་གཉིས་པ་གཞག། བྱང་དུ་བསེ་ཕོར་རྒྱ་གྲམ་མོ།། སྣོད་ཀྱི་མཚན་ཉིད
360a4 བཀོད་ནས་སུ།། དྲི་ཆེན་ཞུ་བ་མཾ་ས་དང་།། རཀྟ་དྲི་ཆུ་ཕྱོགས་ཕྱོགས་སུ།། དེ་དག་སྐབས་སུ་སྦྱོར་བ་ཡི།། ཀལ་ཀོ་ལ་ལ་དང་དུ་རུ་སྐ།། ཛཱ་ཏི་ཕ་ལ་ཁ་དྲི་ཞིམ།། ལྕེ་པོག་དཀར་པོ་རིམ་བཞིན་སྦྱར།། འདི་དག་ཀྱང་ནི
360a5 རིམ་པ་བཞིན།། ཨ་ཀ་རུ་དང་ག་པུར་དང་།། གུར་གུམ་པདྨ་ལི་ག་དུར།། དེ་ནས་ར་ས་ཡ་ནའི་ཚོགས།། རིགས་དང་ལས་དང་ཁ་དོག་གིས།། ཅི་རིགས་སོ་སོར་དབྱེ་བར་བྱ། ས་བོན་ལྔ་ཡིས་རྣམ་པར་སྦྱངས། གསང
360a6 ཆེན་དེ་ཉིད་དམ་པ་ཡི།། རིགས་གཅིག་རིགས་ལྔ་རིགས་བརྒྱ་ཡིས།། སྤང་བ་མཆོག་ཏུ་བྱ་བ་ཡིན། ཁྲོལ་བུ་དག་ནི་སྤངས་པ་ན།། བསལ་དང་བསྔོ་དང་བསྡུ་དང་དབྱེ།། ཁྲུས་དང་བཤགས་དང་ཡོན་ཏན་བརྗོད། བྱིབ
iiif viewer powered by OpenSeadragon
