| e-texts navigator |
| Wylie |
359b1 བཀབ་ལ།། གཟུངས་ཐག་བཏབས་ནས་དབུས་སུ་གཞག། ཚེ་དཔག་མེད་པར་དེ་མངའ་གསོལ།། བུམ་པ་རིན་ཆེན་ལས་བྱས་བཞི།། གསང་བའི་ཡུམ་དུ་དེ་མངའ་གསོལ།། རིགས་དང་མཐུན་པའི་བུམ་པ་བཞི།།
359b2 རིགས་ལྔའི་སངས་རྒྱས་གཙོ་གཟུངས་དང་།། སོ་སོའི་འཁོར་གྱིས་སེམས་དཔའ་རྣམས།། གཙོ་གཟུངས་ཟུང་དུ་འབྲེལ་བར་ནི།། ཕྱོགས་ཕྱོགས་དག་ཏུ་ཚོམ་བུར་བྲི།། སྒོ་བཞིར་སྒོ་སྲུང་ལ་སོགས་གཞག། སེམས
359b3 དཔའི་ཕྱག་རྒྱ་ཀུན་བཀོད་ནས།། ཚེ་དཔག་མེད་པའི་ཐུགས་ཀ་ནས།། འཁྱིལ་ཅིང་འཚེར་བའི་བྱང་ཆུབ་སེམས།། ཉི་ཟླའི་གའུ་གནས་པ་དེ།། ཨཱ་ཡུ་བྱང་ཆུབ་སེམས་སུ་ཞུ།། དེ་ལས་རྒྱལ་མཚན་མཆོད་ལྡན་དང་།།
359b4 རིན་ཆེན་གཏེར་དང་དབང་བསྐུར་མཛད།། གསང་བའི་ཚེ་གཏེར་འཛིན་དར་བཞི།། ཐུགས་ཀར་འཕྲོས་ནས་དེ་བཞིན་དུ།། ཚོམ་བུ་རིམ་གྱིས་སྤྲོས་ནས་ནི།། དཀར་དམར་འོད་ཀྱིས་བདག་ལ་བསྟིམས།། སྐྱེ་མེད
359b5 དབྱིངས་སུ་སྦས་ནས་ནི།། མི་འགྱུར་ཕྱག་རྒྱས་གདབ་པར་བྱ།། ཡང་ན་ཏིང་འཛིན་ཁྱད་པར་གྱིས།། ལོའམ་ཟླ་བའི་མཐའ་དག་ཏུ།། སྐྱ་རེངས་འཆར་བའི་དུས་སུ་ནི།། ཕྱག་རྒྱ་ཆེན་པོས་གནས་པ་དེས།། ཤར་ཕྱོགས
359b6 ངོས་སུ་ཁ་བལྟས་ཏེ།། ལྷ་ཀླུ་གནོད་སྦྱིན་ཇི་སྙེད་པ།། ཤར་ཕྱོགས་ནམ་མཁར་གནས་པ་རྣམས།། ཐམས་ཅད་ཁོང་དུ་རྔུབས་པ་ལས།། ཕྱིར་མི་འབྱུང་བར་ཁོང་དུ་བསྟིམས།། དབུགས་དེ་ཐ་མར་སྣ་རུ་བསྲིང་།།
iiif viewer powered by OpenSeadragon
