| e-texts navigator |
| Wylie |
357b1 ཞེས་གསུངས་སོ།། དེ་ལ་འདི་ནི་རྡོ་རྗེ་མཆོག་ཆེན་པོ་བསྒྲུབ་པའི་ཐབས་སོ།། དོན་དང་ལྡན་པའི་རྣལ་འབྱོར་པས།། ས་སྟེངས་ཆག་ཕྱེད་ཚད་དུ་བྱ།། སུམ་བརྩེགས་བྱས་དབུས་ཟླ་གམ་བརྒྱད།། ཕྱི་མཐའ་ཐོད་པས
357b2 བསྐོར་བ་ལ།། མེ་དཔུང་འབར་བས་བསྐོར་བའོ།། དེ་ཡི་ཕྱི་རིམ་དམར་ཆེན་རྒྱས།། དབུས་སུ་བན་དྷ་མཚན་ལྡན་ལ།། ཡབ་ཡུམ་སྙིང་པོ་བྲིས་ལ་བཞག། ཟླ་གམ་བརྒྱད་ལ་མ་བརྒྱད་བཞག། མཐིང་ནག་མ་ཐ་མེ་རི
357b3 འབར།། དེ་འོག་ཐོད་ཚར་གསུམ་དུ་བྱ།། སྒོ་ཁྱམས་དུར་ཁྲོད་རྫས་ཀྱིས་བརྒྱན།། སྒོ་རྩེག་སྒོ་ཁྱུད་ཐ་མ་བྲན།། གནས་མཆོག་རབ་ཏུ་དབེན་པ་ཡི།། རི་ཡི་རྩེའམ་ནགས་ཚལ་ལམ།། སྡེ་དཔུང་ཕྲ་མོས་མི་ཚུགས་ཤིང་།།
357b4 འདུ་འཛི་འགྲོ་འོང་ཆད་པར་ཤིས།། རྣལ་འབྱོར་གདེང་དང་རབ་ལྡན་ཞིང་།། བརྗིད་ཅིང་སྲན་ཚུགས་ཁུ་འཕྲིག་ཆུང་།། བརྟུལ་ཞུགས་ཆེ་ལ་རྟོག་པ་མེད།། ལས་ཀྱི་ཕྲེང་བ་ལྷག་ཆད་མེད།། དྲི་ཞིམ་སྨན་གྱིས་ཕྱེ་བཀྲུ།
357b5 ཞིང་།། ཤི་ནེ་དྷེ་ཧུས་ནང་ཡང་བཀྲུ།། ཚད་མར་སྦྱར་བའི་བཀའ་དག་དང་།། ལྡན་པས་དུས་བཏབ་བཞིན་དུ་བརྩམ།། རྒྱུ་ཡང་བརྟག་པར་བྱ་བ་ནི།། མཛེས་ཤིང་བཀྲ་ཤིས་ལྡན་པ་ལ།། བོང་ཚོད་ལོ་ནི་དར་ལ་བབ།།
357b6 རིགས་ལྔའི་མཚན་རྟགས་ཡོད་པ་ཤིས།། བསྒྲུབ་པའི་རྒྱུ་མཆོག་དེ་ལྟ་བུ།། དག་པ་གསུམ་གྱིས་གཞུང་བསྲངས་ནས།། བྱིན་གྱི་བརླབ་པ་རབ་ཏུ་བྱ།། དྷ་ཧུ་མ་འདས་དབང་པོ་བསྒྱུར།། བདུད་རྩི་ལྔ་ཡི་ཐིག་ལེ་ཡིས།།
iiif viewer powered by OpenSeadragon
