| e-texts navigator |
| Wylie |
357a1 མཆོག་བསྒོམ། སོ་སོའི་རྫས་ཡི་གནས་རྣམས་ལ།། རིགས་ཀྱི་ལྷ་རྣམས་རིམ་པར་དགོད།། བསྙེན་པས་བྱིན་ཕེབས་རྟགས་བྱུང་ནས།། བམ་དེ་བྱང་ཤར་མཚམས་སུ་བསྒྲལ།། རྡོ་རྗེ་ཐིག་གིས་བཏབ
357a2 ནས་ཀྱང་།། རྫས་རྣམས་སོ་སོའི་སྐོས་སུ་གདབ།། དེས་མཚོན་རྣམ་ལྔས་བགྲོ་བར་བྱ།། འཁོར་ལོའི་སྤྱི་བོ་ཉིད་ནས་བཀྲོ།། རྡོ་རྗེ་སྙིང་གིའི་ཕྱོགས་ནས་བཀྲོ།། རིན་ཆེན་ཟུར་བརྒྱད་ལྟེ་བ་ནས།། པདྨ་ཁ་ཡི་ཕྱོགས
357a3 ནས་སོ།། རལ་གྲིས་ཡན་ལག་རྣམས་ནས་བཀྲོ།། དེ་ནས་ཕྱག་རྒྱའི་གནས་རྣམས་སུ།། རྫས་རྣམས་གོ་རིམ་བཞིན་དུ་དགོད།། དཔལ་དང་ལྡན་པའི་གནོད་དགུ་ལ།། སྐུ་གསུང་ཐུགས་དང་ལྡན་པར་ནི།། གསོལ་བའི
357a4 འོད་དང་བཅས་པར་དགྲ།། རྫས་ཀྱིས་མཛེས་པར་བརྒྱན་པར་བྱ།། རྨད་དུ་བྱུང་བའི་གཏོར་མ་དགྲམ།། མཆོད་པའི་དམ་རྫས་ཚང་མར་བཤམ།། དེ་ནས་རྣལ་འབྱོར་ཆེན་པོ་ཀུན།། བདག་ཉིད་ཕྱག་རྒྱར་གནས་པ་དེ།།
357a5 བསྐྱེད་པ་ཏིང་འཛིན་ཚུལ་བཞིན་སྐྱེད།། རང་བཞིན་རྫོགས་ཆེན་སྤྱན་དྲངས་མཆོད།། བསྒྲུབ་པ་ཉམས་ལེན་བཟློག་པར་བྱ།། དངོས་གྲུབ་གསོལ་དང་དབང་བསྐུར་བྱ།། དེ་ནས་གཏོར་མཚོ་གསུམ་དུ།། དང་པོར
357a6 བཅད་དེ་སྦྱིན་སྲེག་བྱ།། བར་མས་མཁའ་འགྲོ་ཚིམ་པར་བྱ།། ཐ་མ་མི་ཟད་གཏེར་དུ་སྦ།། ལས་རྣམས་རྫོགས་པར་བྱས་ནས་ནི།། དཔལ་ཆེན་ཉིད་ཀྱང་འགྲུབ་འགྱུར་ན།། དངོས་གྲུབ་གཞན་ལྟ་སྨོད་ཅི་དགོས།།
iiif viewer powered by OpenSeadragon
