| e-texts navigator |
| Wylie |
356b1 ཕུན་སུམ་ཚོགས་པ་བཞི་ལྡན་ནས།། གནས་དང་ས་གཞི་བརྟགས་པ་ནི། ས་སྟེགས་ཚོན་གྱིས་བྲི་བར་བྱ།། དབུས་སུ་ཐིག་བཞི་ལེའུ་ཚེ་དགུ།། དེའི་མཐའ་འཁོར་ལོ་རྩིབས་བརྒྱད་བྱ།། སྒོ་བཞི་སྒོ་ཁྱུད་བཅས་པར་བྲི།།
356b2 མཐའ་ཟད་བསྐལ་པའི་མེ་རི་འབར།། དབུས་སུ་ཟླ་ཁམ་ཁ་སྤྲོད་བྲི།། ཕྱོགས་མཚམས་བརྒྱད་དུ་ཁཾ་བརྒྱད་བྲི།། འཁོར་ལོའི་བར་ཁྱམས་མུ་ཁྱུད་ལ།། ནང་དུ་བལྟས་པའི་ཁཾ་བརྒྱད་གསལ།། རྩིབས་ལ་ནང་དུ་ལྟ་བ
356b3 བརྒྱད།། མུ་ཁྱུད་བརྒྱད་ལ་ཕྱིར་བལྟས་བརྒྱད།། གྲུ་ཆད་བཞི་ལ་ནང་བལྟས་བཞི།། སྒོ་བཞིར་ཕྱིར་བལྟ་བྲི་བར་བྱ།། ཕྱི་རོལ་བར་ཁྱམས་དེ་དག་ལ།། ཕྱི་ལྟ་ཉི་ཤུ་རྩ་བརྒྱད་བྲི།། བསྐལ་པའི་མེ་རི་ཕྱི་ཁྱམས་ལ།། ཕྱིར
356b4 ལྟ་བཅུ་ནི་བྲི་བར་བྱ།། དེ་ལ་ཕྱག་རྒྱ་རིམ་པ་དགོད།། རོ་ཡི་ཚོལ་སྟངས་རྣམ་བཞི་ཡིས།། དུར་ཁྲོད་རྫས་མཆོག་མ་ཉམས་བཙལ།། ཡེ་ཤེས་སྤྱན་གྱིས་ལྟ་བ་དང་།། རྡོ་རྗེ་འགྲོས་ཀྱིས་བཙལ་བ་དང་།། ཕྱག་རྒྱའི
356b5 ཚོགས་ཀྱིས་རོལ་པ་དང་།། མ་མོའི་ཚོགས་ཀྱིས་འཇོ་ཚུལ་དང་།། བཙལ་ནས་མཎྜལ་སྒོ་བཞི་ནས།། བྲོ་ཆེན་བཞི་ཡིས་སྦྱང་བར་བྱ།། ཤར་དུ་དུག་གསུམ་འཇོམས་པའི་བྲོ།། ལྷོ་རུ་ཁྲག་འཐུང་རོལ་པའི་བྲོ།། ནུབ་ཏུ
356b6 རྟ་མཆོག་ཞལ་གྱི་བྲོ།། བྱང་དུ་གདུལ་སྦྱོང་དྲག་པོའི་བྲོ།། སྦྱང་བར་བྱ་བ་རབ་ཏུ་གཅེས།། དེ་ནས་དབུས་སུ་གཞག་བྱ་སྟེ།། མགོ་བོ་ཤར་དུ་བསྟན་པ་དེའི།། ཕུང་པོ་བྲུཾ་ལས་གཞལ་མེད་ཁང་།། དེ་རུ་ཕྱག་རྒྱའི་ཚོགས
iiif viewer powered by OpenSeadragon
