| e-texts navigator |
| Wylie |
356a1 དང་ཁ་དོག་ཕྱོགས་དང་དབྱིབས།། ཡམ་ཤིང་བསྲེགས་རྫས་ཁྱད་པར་ལས།། དཀར་དང་དམར་ཟེར་མཐིང་གནག་ལས།། ཤར་ལྷོ་ནུབ་བྱང་ཕྱོགས་དག་ཏུ།། ཟླུམ་པོ་ལེའུ་ཚེ་པདྨ་ཞི།། གྲུ་བཞི་ཟུར
356a2 བརྒྱད་འཁོར་ལོ་རྒྱས།། གྲུ་ཆད་གཞུ་དབྱིབས་ཟླ་གམ་དབང་།། གྲུ་གསུམ་བྷ་ག་མངོན་སྤྱོད་པའོ།། ཏིང་འཛིན་བྱམས་དང་དང་བས་ཞི།། སྙིང་རྗེ་དགའ་བས་རྒྱས་པ་སྟེ།། དགའ་དང་ཆགས་པས་དབང་དུ་འགྱུར།།
356a3 བཏང་སྙོམས་ཁྲོས་པས་དྲག་པོར་འགྱུར།། སོ་སོའི་ལས་ཀྱི་ལྷ་རྒུད་ལ།། སྔགས་དག་ཕྱག་རྒྱ་ལ་སོགས་དང་།། གླུ་རྒྱུད་འབྱོར་པས་མཆོད་པར་བྱ།། ཞལ་དུ་གྱུར་པའི་མེ་བོས་ལ།། ཁྲོ་བོས་ཡེ་ཤེས་མེ་དུ་སྦྱར།། སོ
356a4 སོའི་རྒྱུད་དུ་བཤད་བསྟབས་ཏེ། ཀློང་ཡེངས་འཁྱིལ་བའི་ཧོམ་ཁུང་དུ།། དམ་རྫས་བདུད་རྩི་འབར་བ་ཡིས། སྦྱང་དང་ཐོབ་ཕྱིར་བསྲེག་པར་བྱ།། ཉོན་མོངས་ལྔ་ཡི་དམ་རྫས་ནི།། ཡེ་ཤེས་ལྔ་ཡི་ཀློང་དུ་དབུལ།། ཕུང
356a5 པོ་ལྔ་ཡི་ཡབ་ལྔ་ལ།། འབྱུང་བ་ཡུམ་ལྔའི་དབྱིངས་སུ་བསྟིམ།། ཤེས་པ་བརྒྱད་ནི་མ་བརྒྱད་ལའོ།། ཡུལ་བརྒྱད་ཕྲ་མེན་བརྒྱ་ལ་བསྟིམ།། སྐྱེ་བཞིས་བསྡུས་པའི་སྲེག་རྫས་རྣམས།། རྣམ་ཐར་སྒོ་བཞིའི་ཀློང་དུ་བསྟིམ།།
356a6 སྒྲིབ་དང་དངོས་གྲུབ་དོན་རྣམས་ནི།། མེ་ལ་མཁས་པས་བརྟག་པར་བྱ།། སོ་སོའི་དབྱིབས་དང་ཁ་དོག་ལ།། དབྱིབས་དང་ཁ་དོག་ཤེས་པར་བྱ།། ཞེས་གསུངས་སོ།། དེ་ལ་འདི་ནི་རྫས་བསྒྲུབ་པའི་ཐབས་གསང་བའོ།།
iiif viewer powered by OpenSeadragon
