| e-texts navigator |
| Wylie |
355a1 འདོད་པ་དེ་གདོན་མི་ཟ།། ཞེས་གསུངས་སོ།། དེ་ལ་འདི་ནི་རྡོ་རྗེ་སྒྱུ་མ་བསྒྲུབ་པའི་ཐབས་སོ།། བདག་ཉིད་ལྷ་ཡི་རྣལ་འབྱོར་གྱིས།། རྡེའུ་ཤིང་བུ་ཡི་རྒྱུ་དག་ལས།། ཇི་ལྟར་འདོད་པའི་གཟུགས་བྱས་ཏེ།
355a2 ཤེའུ་རེ་སྨན་གྱིས་བྱུགས་ནས་ནི།། རྡོ་རྗེ་སྔགས་ཀྱིས་ཚིག་འདི་བཟླས།། ཤེའུ་རེའུ་ཨི་ན་ཡ།། ཨ་མོ་ཀ་ཨ་གྷུས་ས་གྷུས།། ཤིང་བུ་དག་གིས་གདབ་བྱ་ཞིང་།། ཇི་ལྟར་འདོད་པའི་གཟུགས་སུ་འགྱུར།། དེས་ནི་སྣ
355a3 ཚོགས་གཟུགས་སུ་འགྱུར།། བསྡུ་བར་འདོད་ན་སླར་ལ་ཟློག། དེ་ཡང་བཀྲི་དྲང་ཐབས་སུ་འགྱུར།། ཞེས་གསུངས་སོ།། དེ་ལ་འདི་ནི་རོ་བསྲེག་པའི་བསྒྲུབ་ཐབས་སོ།། ནམ་མཁའི་དབྱིངས་ཀྱི་དབུས་སུ་ནི།། བདག
355a4 ཉིད་འཇིགས་བྱེད་སྐུར་བསྒོམས་ཏེ། རོ་ལ་སྔགས་ཀྱིས་བཏབ་ནས་ནི། དྲི་ཞིམ་ཆུ་ཡིས་བྱུག་པར་བྱ།། ཞུན་ཆེན་ཁུ་བར་བཙོས་པ་ཡི།། རས་ཀྱིས་ཀྱང་ནི་དྲི་བར་བྱ།། དབང་པོ་རྣམས་ཀྱི་གནས་དག་ཏུ།། ལྷ་ཡི་ཕྱག
355a5 རྒྱ་དགོད་པར་བྱ།། གནས་དེར་སྡོང་བུ་རེ་རེ་ལ།། ལྷ་རྣམས་སྙིང་པོ་བྲིས་པ་གདགས།། རོ་ཡི་ཕྱི་རོལ་ཤུན་པ་ལ།། འགྲོ་དྲུག་ས་བོན་བཀོད་ནས་ནི།། རིམ་གྱིས་སྦྱང་བའི་ལས་སུ་བྱ།། ཐབ་ཁུང་དཀྱིལ་གང་ཡིན་པ
355a6 ཡི།། ཕྱག་རྒྱ་གཞུང་དང་མཐུན་པར་དགོད།། དེ་སྟེངས་ཤིང་བརྩིགས་གྲུབ་བཞི་ལ།། ཀ་བ་ཟུར་བཞི་སུམ་བརྩེགས་ཀྱི།། བར་ཁང་ཡང་ཐོག་བཅས་པར་བྱ།། བར་ཁང་རོ་གཞག་ཤར་དུ་བསྟན།། ཡང་སྟེང་རས་སམ
iiif viewer powered by OpenSeadragon
