| e-texts navigator |
| Wylie |
353b1 ཞིན་དུ་དབྱུང་བར་བྱ།། སྤྲོ་བ་ཡང་ནི་དེ་བཞིན་ནོ།། དེ་ནི་ཁམས་ལས་གྱུར་པ་ཡི།། ནད་རྣམས་ཐམས་ཅད་ངེས་པར་སེལ།། ཞེས་གསུངས་སོ།། དེ་ལ་འདི་ནི་བཀྲེས་སྐོམ་ཞི་བ་སྒྲུབ་པའི་ཐབས་སོ།། བཀྲེས་བསྒོམ
353b2 ཅན་གྱི་ཉོན་མོངས་པའམ། ཡང་ན་བསྒྲུབ་པའམ་གང་ཡང་རུང་།། སྦྱོར་བ་འདི་ནི་བརྩམ་པར་བྱ།། རྣམ་པར་སྣང་མཛད་གཟུགས་ཆེན་པོ།། ནམ་མཁའི་དབུས་སུ་བསྒོམ་པར་བྱ།། བ་ནི་ཁ་ཡིན་ནང་དུ་བསྒོམ།། ཨོཾ་ནི
353b3 ལྕེ་ལ་རྣམ་བསམས་ཏེ།། ཡིད་བཞིན་བདུད་རྩི་ལྟ་བུ་ཡི།། བཟང་བའི་གནས་སུ་དེ་ཉིད་བསམ།། དེས་ནི་བཀྲེས་སྐོམ་སྡུག་བསྔལ་སེལ།། ཞེས་གསུངས་སོ།། དེ་ལ་འདི་ནི་རྣམ་པར་དག་པ་བསྒྲུབ་པའི་ཐབས་སོ།། ཨོཾ
353b4 ནི་མིག་ལ་རབ་བསམས་ཏེ།། ཡུལ་ཀུན་རྣམ་སྣང་མཛད་དུ་བསྒོམ།། དེ་ལྟར་རྟག་ཏུ་གོམས་པ་དང་།། ཆོས་ཀུན་སྐུ་གསུང་རྡོ་རྗེ་མཐོང་།། དེ་ཉིད་རྣམ་དག་སྤྱན་དུ་གྲགས་ཞེས་གསུངས་སོ།། དེ་ལ་འདི་ནི་འཇིག་རྟེན
353b5 པའི་ལྷ་མཐུ་བོ་ཆེ་རྣམས་ཟིལ་གྱིས་གནོན་ཅིང་ཚིག་ཉན་པ་བསྒྲུབ་པའི་ཐབས་གོ། ནམ་མཁའ་རྡོ་རྗེའི་དབུས་སུ་ནི།། ཉི་མའི་དཀྱིལ་འཁོར་དབུས་གནས་པར།། ཁམས་གསུམ་རྣམ་པར་རྒྱལ་བ་བསམ། བྷི་ཞེས་བྱ
353b6 བའི་སྙིང་པོ་ཡིས།། མཐུ་ཆེན་རྣམས་ནི་དྲངས་ནས་སུ།། བསྡིགས་པ་དག་ཀྱང་བྱས་ནས་ནི།། ཟིལ་གྱིས་གནོན་ཅིང་ཉན་པར་འགྱུར།། ཞེས་གསུངས་སོ།། དེ་ལ་འདི་ནི་ལྷ་མོ་ཙུན་དྷ་བསྒྲུབ་པའི་ཐབས་སོ།། སྔགས
iiif viewer powered by OpenSeadragon
