| e-texts navigator |
| Wylie |
353a1 ཅན།། སོལ་བ་རྡོ་རྒྱུས་དག་གིས་བྲི།། བསྐུལ་བའི་ཡི་གེ་སྙིང་པོ་འདི།། སྦྲུལ་གྱི་ཁོང་པར་རབ་དུ་བསམ།། ཁཾ་ཁ་དེ་ནང་མི་ཟད་དུག། འཇིགས་པར་བདེ་བ་རབ་བསྒོམས་ན།། སྦྲུལ་དེ་རབ་ཏུ་འགུལ
353a2 བར་འགྱུར།། དེ་ནས་ཟོས་ཤིག་ཅེས་བསྐུལ་ཏེ།། མཚན་མ་ནས་ནི་ཞུགས་ནས་ནི།། ཁོང་དུ་སོང་སྟེ་ཟོས་བསམས་ན།། དུག་གིས་གཟུང་བར་གདོན་མི་ཟ།། ཞེས་གསུངས་སོ།། དེ་ལ་འདི་ནི་དུག་དབྱུང་བའི་ཐབས
353a3 སོ།། ནམ་མཁའ་དབྱིངས་ཀྱི་དབུས་སུ་ནི།། ཟླ་བའི་དཀྱིལ་འཁོར་དབུས་གནས་པར།། སྤྱན་རས་གཟིགས་ནི་བསྒོམ་པར་བྱ།། ཁ་དོག་དཀར་པོ་ཧྲི་སྤྲོས་ཏེ།། དུག་ཅན་ཁོང་དུ་ཞུགས་པ་ཡིས། དུག་རྣམས་ཧྲི་ལ
353a4 འདུས་ནས་ནི།། ཧཱུཾ་གིས་ཁོང་ནས་ཕྱིར་ཕྱུང་དང་། ཕཊ་ཀྱིས་བར་སྣང་ཁམས་སུ་གཏོར།། ཡང་ན་གཞན་གྱི་ཁོང་དུ་སྤྲོ།། དེས་ནི་དེ་མ་ཟག་ཏུ་ཡང་།། དུག་རྣམས་དབྱུང་བར་གདོན་མི་ཟ།། ཞེས་གསུངས་སོ།། དེ་ལ
353a5 འདི་ནི་དུག་སྤོ་བའི་ཐབས་སོ།། དུག་ཅན་སྙིང་གར་ཨོཾ་དཀར་ལས།། འོད་ཟེར་དཀར་པོས་དུག་བསྡུས་པས།། ཨོཾ་ཉིད་ནག་པོར་སྣང་བྱུང་ནས།། གཞན་གྱི་ལྕེའམ་མཚན་མའམ། ཁོང་དུ་ཞུགས་པར་རབ་བསྒོམས་ན།།
353a6 འཕོ་བ་རྟག་ཏུ་གདོན་མི་ཟ།། ཞེས་གསུངས་སོ།། དེ་ལ་འདི་ནི་ཉེ་བའི་དུག་གསོ་བའི་ཐབས་སོ།། མཛེ་འབྲས་ཤུ་བ་ཕོལ་མིག་དང་། འབྲུམ་བུ་ལ་སོགས་ནད་རྣམས་ཀུན།། ཨ་དཀར་དག་གི་འཕྲོ་འདུ་ཡིས།། གོང་མ
iiif viewer powered by OpenSeadragon
