| e-texts navigator |
| Wylie |
352b1 སྡིག་པ་སྦྱང་ཕྱིར་འདུལ་ཁྲིམས་དབོག། འོད་ཀྱི་འཕྲོ་འདུས་བྱིན་གྱིས་བརླབ།། རྒྱན་གྱི་ཁྱད་པར་རྣམས་ཀྱིས་བརྒྱན།། སྙིང་གར་ཧཱུཾ་ནི་བསྒོམ་པར་བྱ།། སྤྱི་བོར་གཙུག་ཏུ་ཧ་བསྒོམ་མོ།། ཨ་ནི་ཁ་རུ་དེ་བཞིན་ཏེ།། དེ
352b2 ནས་མདུན་གྱི་ནམ་མཁའ་ལ།། འཕགས་པ་ཀུན་མཁྱེན་སྤྱན་དྲངས་ཏེ།། དེ་ལས་འོད་ཟེར་བསྐུལ་ཞིང་དབབ།། ཛྙོ་ནི་བསྐུལ་བའི་སྔགས་ཚིག་སྟེ།། གར་དབབ་ཛྙོ་ཡིས་བསྐུལ་བར་བྱ།། བྱིས་པའི་ལུས་ལ་ཐིམ་པར
352b3 བསམ།། བྱིས་པའི་ཙིཏྟ་གཞལ་མེད་ཁང་།། དབབ་པའི་ལྷ་ཉིད་བཞུགས་བསམས་ཏེ།། ལག་རྒྱ་རྡོ་རྗེ་ཐལ་མོ་ལས།། སོར་མོ་ཕྱིར་བསྣོལ་ཁ་སྦུབ་ལ།། མཐེབ་གཉིས་སོ་སོའི་མཐིལ་བཀུག་པའོ།། རྡོ་རྗེ་ཚིག་ཏུ
352b4 བཟླས་པའི་སྔགས།། ཆེ་གེ་མོ་ཞིག་ཨ་ཨ་ཞེས།། བརྗོད་ཅིང་རབ་ཏུ་བསྐུལ་བྱས་ན།། འགུལ་བ་དང་ནི་གཡོ་བར་འགྱུར། ཁྲུ་གང་ཙམ་ནས་ལྔ་ཡི་བར།། འཇིགས་སྐྲག་ནས་ནི་འཕར་བར་འགྱུར།། སྙིང་ལ་གནས
352b5 པའི་ལྷ་དེས་ནི།། སྒྲ་གསུང་ཀུན་དང་ལྡན་པ་སྟེ།། འཇིག་རྟེན་འདས་དང་འཇིག་རྟེན་པའི།། ཅི་འདོད་གཏམ་ནི་སྨྲ་བར་འགྱུར།། རྟོག་པ་ཐམས་ཅད་བྲལ་བ་ཡི།། རྡོ་རྗེ་སེམས་དཔའ་ཆེན་པོ་ཡང་།། ཆོ་ག་འདི་ཡིས
352b6 འབབ་འགྱུར་ན།། འཇིག་རྟེན་པ་ལྟ་སྨོས་ཅི་དགོས།། ཞེས་གསུངས་སོ།། དེ་ལ་འདི་ནི་དུག་གཏང་བའི་ཐབས་སོ།། སྦྲུལ་ནི་མི་སྡུག་གདུག་ཅིང་ཁྲོ།། འཇིགས་བྱེད་ནག་པོ་རབ་ཏུ་འབར།། དུག་གི་ལྕེ་གཉིས་མཆེ་བ
iiif viewer powered by OpenSeadragon
