| e-texts navigator |
| Wylie |
352a1 ན་རྒྱལ་མཚན་ཞེས་བྱ་བ།། མེ་ཏོག་རོལ་པ་ཞེས་བྱ་ཡི།། ལྷ་མོ་བཞི་ཡིས་རྣམ་པར་བསྐོར།། གཡས་པའི་ཕྱག་གིས་རྡོ་རྗེ་གསོར།། གཡོན་པའི་དྲིལ་བུ་དཀུར་བརྟེན་པ།། ཕྱག་གཉིས་མདའ་གཞུ
352a2 འགེངས་པ་སྟེ།། སྐུ་ལས་སེམས་དཔའ་འབྱུང་བའི་སྤྲིན།། ཐོར་ཚུགས་གསལ་བ་རྣམས་པར་བསྒོམ།། ནམ་མཁའ་ལས་ནི་བབས་པ་ཡི།། ཐོག་ནི་རང་རིག་སྔགས་ཀྱིས་བཟློག། ཨོཾ་མ་ཧཱ་སུ་ཁ་བཛྲ་ཆེ་གེ་མོ་ཛ།། ཨོཾ་སུ
352a3 ར་ཏ་བནྡྷ་ཧཱུཾ་ཕཊ་ཅེས་གསུངས་སོ།། དེ་ལ་འདི་ནི་གཞན་གྱི་ལྕེ་གནོན་པའི་ཐབས་སོ།། མར་གྱི་ཚེས་བརྒྱད་བཅུ་བཞི་ལ།། དུར་ཁྲོད་སོལ་བ་བླངས་ནས་སུ།། སྔགས་ཀྱི་བདག་པོར་བསྒོམས་ནས་སུ།། དབང་ཆེན
352a4 དཀྱིལ་འཁོར་སྟེང་དུ་ནི།། མི་སྙན་སྨྲ་བའམ་ཤགས་རྒོལ་བའི།། ལྕེ་ཡི་གཟུགས་སུ་བྲིས་པ་ཡི།། སྟེང་དུ་ཟླ་བའི་དཀྱིལ་འཁོར་ལ།། རྡོ་རྗེ་རྒྱ་གྲམ་བསྒོམས་པ་ཡི།། དབུས་སུ་རི་རབ་བསྐྱེད་པར་བྱ།། དེ་སྟེང་བདག
352a5 གིས་མནན་བསམས་ན།། ཚིག་དབང་ལྷ་ཡང་དབང་འགྱུར་ན།། ཤགས་ལ་སོགས་པ་སྨོས་ཅི་དགོས།། ཞེས་གསུངས་སོ།། དེ་ལ་འདི་ནི་པྲ་དབབ་པ་བསྒྲུབ་པའི་ཐབས་སོ།། ལོ་གྲངས་བཅུ་གཉིས་ལོན་པ་ཡི། ཁྱེའུ
352a6 བུ་མོ་གང་ཡང་རུང་།། མཚན་ཉིད་ཐམས་ཅད་ཡོངས་རྫོགས་པ།། དབབ་པའི་སྣོད་དུ་རབ་ཏུ་བརྟག། ཏིང་འཛིན་རྩལ་དང་ལྡན་པས་བྱ།། གཞན་གྱིས་བྱས་ན་དཔྱས་པར་འགྱུར།། དང་པོར་ཕྱི་ནང་ཁྲུས་བྱས་ཏེ།།
iiif viewer powered by OpenSeadragon
