| e-texts navigator |
| Wylie |
351b1 ནི་ཆོམ་རྐུན་བཅིང་པའི་ཐབས་སོ།། རྐང་རྗེས་ས་དང་ཁྱི་ཁྲག་ལས།། མཚན་མ་མིང་དུ་བཅས་པར་བྱ།། མི་ཡི་རུས་པའི་ཕུར་བུ་ལ།། འོད་ཟེར་ཅན་གྱི་སྔགས་བཟླས་པས།། ལན་གྲངས་ཉི་ཤུར་བསྔགས་ནས་ནི།། མི
351b2 གཉིས་སུ་ནི་གདབ་པར་བྱ།། གཟུགས་བརྙན་ཚོགས་ལ་ཕུལ་ནས་ནི།། རྡོ་རྗེ་གཏུན་ཤིང་དག་གིས་བརྡུང་།། ཨོཾ་སུམ་བྷ་བཛྲ་མི་ས་ལེ་ན་ཙུཪྵ་ཡ་ན་ར་བིགྷྣཱན་ཧཱུཾ་ཕཊ། ལས་འདི་བརྩམས་པ་བྱས་ན་ནི།། མོ་རྒོད
351b3 བཟློག་པར་གདོན་མི་ཟ།། ཞེས་གསུངས་སོ།། དེ་ལ་འདི་ནི་མེ་བསད་པའི་ཐབས་སོ།། མེ་ནི་མཆེད་པའི་ས་ཕྱོགས་སུ།། མཁའ་ལྡིང་རྒྱལ་པོ་བྱ་ཁྱུད་ནི།། སྟང་ཟིལ་ལྟ་བུའི་ཁ་དོག་ལ།། སྦྲུལ་ནག་སྟོང་གིས་རབ
351b4 བརྒྱན་པའི།། གཞོག་པ་མཁའ་ལ་གདེངས་པ་བསྒོམ།། ཀླུ་རྣམས་དང་ནི་སྤྲིན་དང་ལ།། རྡོ་རྗེ་ཚིག་ཏུ་བསྒོམ་པ་ནི།། ཆར་ཆེ་ཕོབ་ལ་མེ་སོད་ཅིག། ཐོས་ནས་སྤྲིན་ཚོགས་བུམ་པ་ཡི།། ཆར་གྱིས་མེ་ཡང་གསོད་པར
351b5 འགྱུར།། གཤོག་པས་མེ་ནི་བཀབ་ནས་སུ།། མཆུས་བརྐོས་ཆུས་ནི་མཚམས་བཅད་ན།། བསྐལ་པའི་མེས་ཀྱང་འཚིག་མི་ནུས།། ཨོཾ་བཛྲ་ནི་ར་ཡ་ཎ། ནི་རྦ་པ་ཡ་ཏི་ན་བཾ་པུ་མེ་གྷེ་ཧཱུཾ་ཞེས་གསུངས་སོ།། དེ་ལ་འདི་ནི
351b6 ཐོག་བཟློག་པའི་ཐབས་སོ།། ནམ་མཁའ་དབྱིངས་ཀྱི་དབུས་སུ་ནི།། བདེ་བ་ཆེན་པོ་ཞེས་བྱ་བ།། ཞལ་གསུམ་ཕྱག་བཞིར་རྣམ་པར་གནས།། སྟོན་ཀའི་ཟླ་བའི་མདོག་འདྲ་བ།། སྙེམས་མ་དང་ནི་བྱམས་མ་དང་། ཆུ་སྲི
iiif viewer powered by OpenSeadragon
