| e-texts navigator |
| Wylie |
351a1 འཇིགས་དུས་ལྟ་བུའི་ཆར་པའང་འབབ།། ཅེས་གསུངས་སོ།། དེ་ལ་འདི་ནི་ཆར་པ་དང་སེར་བ་གཅད་པའི་ཐབས་སོ།། ནམ་མཁའི་དབྱིངས་ཀྱི་དབུས་སུ་ནི།། ཉི་མའི་དཀྱིལ་འཁོར་དབུས་གནས་པར།
351a2 རྟ་མཆོག་དཔལ་ནི་རྣམ་པར་བསམ།། ཉི་མའི་མདོག་འདྲ་འོད་བཟང་ཞལ།། ནམ་མཁའ་ཁྱབ་པར་རྣམ་པར་གདངས།། ལྕེ་ཡི་སྟེང་དུ་ཧཱུཾ་བཞག་སྟེ།། མེ་རིའི་འོད་དང་བཅས་པ་ཡིས།། ཆར་ཆུས་གང་བའི་སྤྲིན་རྣམས
351a3 ཀུན།། བསྐམ་ཞིང་ལྕེ་ཡིས་བླངས་བསམས་ན།། སྐམ་པར་འགྱུར་བར་གདོན་མི་ཟ།། ཡང་ན་ལྕེ་སྟེངས་དེ་ཉིད་དུ།། ཡཾ་ལས་རླུང་དུ་བསྒོམས་ནས་ནི། བུས་པའི་སྤྲིན་རྣམས་གཏོར་བར་འགྱུར།། ཡང་ན་རལ་གྲིའི
351a4 ཕྱག་རྒྱ་ཡིས།། ཆར་སྤྲིན་དང་ནི་ཀླུ་ཡི་གཟུགས།། བཅད་ཅིང་དུམ་བུར་གཏུབས་བསམས་ཏེ།། ཧཱུཾ་ཞེས་བྱ་བའི་སྡིགས་མཛུབ་ཀྱིས།། བསྡུས་ཏེ་རང་རིག་སྔགས་བཟླས་ན།། འཇིགས་པའི་ཆར་ཆེ་དེ་རྣམས་ཀྱང་།།
351a5 སྐད་ཅིག་ན་ནི་མེད་པར་འགྱུར།། ཞེས་གསུངས་སོ།། དེ་ལ་འདི་ནི་བགེགས་གསལ་བའི་ཐབས་སོ།། ནམ་མཁའི་དབུས་སུ་ཉི་མ་ཡི།། དབུས་སུ་ཁྲོ་བོ་རྣམས་བསྒོམ་པ།། མི་གཡོ་མགོན་པོའི་ཕྱག་རྒྱ་ཆེ།། རིག་པ
351a6 མང་པོས་བསྐོར་བའོ།། རང་རིག་སྔགས་དང་སྟངས་ཚུལ་གྱིས།། ཧཱུཾ་དང་ཕཊ་ཅེས་རྣམ་བསྒྲགས་ན།། ཁམས་གསུམ་དྲེགས་པ་ཐམས་ཅད་ཀྱང་།། རྡུལ་ཕྲན་བཞིན་དུ་རླག་པར་འགྱུར།། ཞེས་གསུངས་སོ།། དེ་ལ་འདི
iiif viewer powered by OpenSeadragon
