| e-texts navigator |
| Wylie |
350b1 ནུས།། ཞིང་ཁམས་ཀུན་དུ་བགྲོད་པར་འགྱུར།། ཞེས་གསུངས་སོ།། དེ་ལ་འདི་ནི་ཉི་མ་གསལ་བ་ཞེས་བྱ་བའི་དངོས་གྲུབ་བསྒྲུབ་པའི་ཐབས་སོ།། སྐུ་གསུང་ཐུགས་ནི་རྡོ་རྗེ་ཡི།། སྙིང་གར་ཉི་མའི་དཀྱིལ་འཁོར
350b2 བསམ།། དེ་ལས་འོད་དུ་འཕྲོས་པ་ལས།། མུན་པའི་གནས་རྣམས་བསལ་བར་ངེས།། ཞེས་གསུངས་སོ།། དེ་ལ་འདི་ནི་རླུང་བཅད་པ་བསྒྲུབ་པའི་ཐབས་སོ།། བདག་ཉིད་རླུང་གི་ཕྱོགས་སོང་ལ།། སྟེགས་བུ་གྲུ་བཞི
350b3 ལྷམ་པར་བྱ།། སྤོས་ཀྱི་ཐིག་ལེ་བདུན་བྱས་ཏེ།། ཡཾ་ལས་རླུང་བདུན་བསྐྱེད་པར་བྱ།། རླུང་ལྷ་དགུག་པ་བྱས་ནས་སུ།། ཁམ་ཕོར་གྱིས་ནི་དགའ་བྱས་ཏེ། དེ་སྟེང་ལ་ལས་རི་རབ་བསྒོམ།། རི་རབ་རྩེ་ལ་ཁྲོ་བོ་ནི།།
350b4 འབར་བ་དག་གིས་མནན་པར་བསྒོམ།། དེས་ནི་འཇིག་པའི་རླུང་རྣམས་ཀྱང་།། བཅིངས་པར་འགྱུར་བར་གདོན་མི་ཟ།། ཞེས་གསུངས་སོ།། དེ་ལ་འདི་ནི་ཆར་པ་དབབ་པའི་ཐབས་སོ།། ནམ་མཁའི་དབྱིངས་ཀྱི
350b5 དབུས་སུ་ནི།། པདྨ་འདབ་མ་བརྒྱད་པ་བསྒོམ།། དབུས་སུ་ཁྲོ་བོ་སྟོབས་པོ་ཆེ།། འདབ་མ་ལ་ནི་ཀླུ་བརྒྱད་པོ།། བསྒོམ་སམ་ཡང་ན་བྲིས་ཀྱང་རུང་། ཁྲོ་བོའི་ཞབས་ཀྱི་མཐིལ་གྱིས་ནི།། ཀླུ་རྣམས་རབ་ཏུ་མནན་ནས་སུ།།
350b6 ཧཱུཾ་གཉིས་བར་དུ་ཀླུ་རྣམས་ཀྱི།། སྙིང་པོ་སྤེལ་ཅིང་གཟིར་ནས་སུ།། ཀླུ་རྣམས་གནས་པའི་ས་ཕྱོགས་སུ།། ཧཱུཾ་ཞེས་བྱ་བ་བཟླས་བརྗོད་བྱ། ཁྲོ་བོས་མནན་པའི་ཀླུ་རྣམས་ཀྱི། ཁ་ནས་ཆར་པ་སྐྱུགས་བསམས་ན།
iiif viewer powered by OpenSeadragon
