| e-texts navigator |
| Wylie |
350a1 རྣམ་པར་བསྒོམ།། དེ་ཡི་སྟེང་དུ་མནན་བསམས་ན།། སངས་རྒྱས་དཔུང་ཡང་གནོན་པར་ནུས།། མི་རྒྱལ་དཔུང་ལ་སྨོས་ཅི་དགོས།། ཞེས་གསུངས་སོ།། དེ་ལ་འདི་ནི་དགྲའི་དཔུང་རྨོངས་པར་བྱ་བ
350a2 བསྒྲུབ་པའི་ཐབས་སོ།། དགྲའམ་དཔུང་གི་གཟུགས་བརྙན་དག། བསམས་སམ་གཟུགས་སུ་བྱས་ནས་ནི།། རྡོ་རྗེ་ཕུར་བུ་ཚད་ལྡན་ལ།། ཧཱུཾ་ལས་ཁྲོ་བོའི་སྐུར་བསྐྱེད་ནས།། རང་གི་རིག་སྔ་རབ་བཟླས་ཏེ།། སྙིང་གར
350a3 བཏབ་པར་རབ་བསྒོམས་ནས།། ཁྲོས་པས་བྱས་ན་སངས་རྒྱས་ཀྱི།། དཔུང་ཡང་མྱོས་པར་གདོན་མི་ཟ།། ཞེས་གསུངས་སོ།། དེ་ལ་འདི་ནི་ཆུ་ལ་འབྱིང་བ་མེད་པ་བསྒྲུབ་པའི་ཐབས་སོ།། ནམ་མཁའ་དབྱིངས་ཀྱི
350a4 དབུས་སུ་ནི།། སྔགས་ཀྱི་དབང་པོ་རབ་ཏུ་བསྒོམ། ཆུ་ཡི་སྟེང་ནི་ཐམས་ཅད་དུ།། སངས་རྒྱས་དག་གིས་གཏམས་པར་བསྒོམ།། སྟེང་ནས་དལ་གྱིས་བཅག་པར་བསམ།། སངས་རྒྱས་དག་ནི་ཐམས་ཅད་ཀྱི།། སྤྱི་བོའི
350a5 སྟེང་དུ་རྐང་པ་བསྒོམ།། དེ་ལྟར་རབ་ཏུ་གོམས་པ་དང་།། ས་ལ་འགྲོ་བཞིན་ནུས་པར་འགྱུར།། ཞེས་གསུངས་སོ།། དེ་ལ་འདི་ནི་ཐོགས་མེད་རླུང་གི་དངོས་གྲུབ་བསྒྲུབ་པའི་ཐབས་སོ།། ནམ་མཁའ་རྡོ་རྗེ་དབུས་སུ་ནི།།
350a6 ཟླ་བའི་དཀྱིལ་འཁོར་དབུས་གནས་པར།། ལྷ་ཡི་རྣལ་འབྱོར་བསྒོམ་པར་བྱ།། འོག་གི་ཕྱོགས་སུ་ཡཾ་ལས་ནི།། རླུང་གིས་རབ་ཏུ་བཏེགས་པར་བསྒོམ།། དེ་ལྟར་རབ་ཏུ་སྒོམ་བྱས་ན།། མཁའ་ལ་བྱ་བཞིན་འགྲོ་བར
iiif viewer powered by OpenSeadragon
