| e-texts navigator |
| Wylie |
349b1 ད་རྩི་འཁྱིལ་བའམ་ཀི་ལིའམ།། གང་ཡང་རུང་བར་གནས་བྱས་ལ།། རྡོ་རྗེ་ཕུར་བུ་རབ་ཏུ་བསྒོམ།། མེ་སྟག་འཕྲོ་བའི་འོད་འཕྲོ་བས།། རི་རབ་གླིང་བཞིའི་གཟུགས་བྱས་ལ།། རང་གི་སྔགས་ཀྱིས་གདབ་པར་བྱ།། དེ
349b2 ལྟར་རབ་ཏུ་གདབ་བྱས་ན།། འགྲོ་དང་མི་འགྲོ་ཐམས་ཅད་ཀུན།། དུལ་བར་གྱུར་པར་གདོན་མི་ཟ།། ཞེས་གསུང་སོ།། དེ་ལ་འདི་ནི་གཞན་གྱི་རིག་སྔགས་གནོན་པ་བསྒྲུབ་པའི་ཐབས་སོ།། ནམ་མཁའ་དབྱིངས་ཀྱི
349b3 དབུས་སུ་ནི།། དབང་ཆེན་དཀྱིལ་འཁོར་བསྒོམས་ནས་ནི།། ལས་ཀྱི་སེམས་དཔར་བདག་གནས་ལ།། གཡས་པ་རྡོ་རྗེ་རྩེ་ལྔ་བཞག། རིག་སྔགས་བྱེད་པ་བསམས་ནས་ནི།། ལས་ཀྱི་རྡོ་རྗེའི་རྐང་པ་དག། དེ་ཡི་སྦྱིན
349b4 ནས་མནན་པར་བསྒོམ།། རིག་སྔགས་ཉིད་ཀྱང་མནན་པར་བསམ།། དེས་ནི་མུ་སྟེགས་ཅན་དག་དང་།། ཕས་ཀྱི་རྒོལ་བ་ཐམས་ཅད་ཀུན།། མནན་པར་འགྱུར་ཏེ་ཐེ་ཚོམ་མེད།། ཅེས་གསུངས་སོ།། དེ་ལ་འདི་ནི
349b5 གཞན་གྱི་དཔུང་མནན་པ་བསྒྲུབ་པའི་ཐབས་སོ།། ནམ་མཁའ་དབྱིངས་ཀྱི་དབུས་སུ་ནི།། ཉི་མའི་དཀྱིལ་འཁོར་དབུས་གནས་པར།། གཞན་གྱིས་མི་ཐུབ་ཁྲོ་བོ་ཆེ།། པདྨ་དམར་སེར་མདོག་འདྲ་བ།། ཤིན་ཏུ་ཆེ་ཞིང
349b6 བརྗིད་པར་བསྒོམ།། ཕ་རོལ་དམག་དཔུང་འོག་དག་ཏུམ།། རླུང་དང་མཚོ་དང་ས་སྐྱེད་ལ། དེ་ལ་གནས་པའི་དཔུང་རྣམས་ཀྱིས།། སྟེང་དུ་ཟླ་བའི་དཀྱིལ་འཁོར་བསམ།། དེ་སྟེང་རྡོ་རྗེ་རྒྱ་གྲམ་གྱི།། སྟེང་དུ་རི་རབ
iiif viewer powered by OpenSeadragon
