| e-texts navigator |
| Wylie |
349a1 བསམ་པར་བྱ།། རྒྱལ་བ་སྲས་དང་བཅས་རྣམས་ཀྱིས།། མཁའ་དབྱིངས་ཐམས་ཅད་གང་བར་བསྒོམ།། འོད་ཟེར་སྣ་ལྔ་འཕྲོས་པ་ཡིས།། འདོད་པ་ལ་ནི་དབབ་པར་བྱ།། དེ་ནས་བསྡུས་ཏེ་བདག་ཉིད
349a2 ཀྱིས།། སྐུ་གསུང་ཐུགས་ཀྱི་བྱིན་བསྡུས་ན།། སངས་རྒྱས་ཉིད་ཀྱང་དབང་འདུན།། འགྲོ་བ་དབང་མེད་སྨོས་ཅི་དགོས།། ཞེས་གསུངས་སོ།། དེ་ལ་འདི་ནི་རྡོ་རྗེ་དྲག་པོ་བསྒྲུབ་པའི་ཐབས་སོ།། ནམ་མཁའ་དབྱིངས་ཀྱི
349a3 དབུས་སུ་ནི།། ཉི་མའི་དཀྱིལ་འཁོར་སྟེང་དུ་ནི།། ཁྲོས་པའི་གཟུགས་རྣམས་བསྒོམ་བྱ་སྟེ།། བསྐལ་པའི་མེ་དཔུང་འཕྲོས་པ་ལས། ཁྲོས་པའི་རྡོ་རྗེ་སྲིན་པོ་དང་། སྣ་ཚོགས་ཝ་དང་བྱ་རོག་དང་།། བྱ་རྒོད་ཁྱི་ལ་སོགས
349a4 པ་ཡི།། ཕྲ་མེན་བསམ་ཡས་མི་བཟད་པས།། མཁའ་དབྱིངས་གང་བར་བསྒོམས་ནས་སུ།། སངས་རྒྱས་ཀུན་ལ་གནོད་བྱེད་ན།། དངོས་སམ་ཡང་ན་བསམས་ནས་ཀྱང་།། མཚོན་ཆ་ཐོགས་པ་དེ་དག་གིས།། སྙིང་དང
349a5 ནང་གྲོལ་དབང་པོ་ཀུན།། དྲངས་ཏེ་ཟོས་པར་རབ་བསྒོམས་ན།། དགྲ་རྣམས་འཆི་བར་ངེས་པ་སྟེ།། དེ་ལྟར་རབ་ཏུ་བསྒོམས་ན་ནི།། རྒྱལ་བ་རྡོ་རྗེ་འཛིན་པ་ཡང་།། ཟླ་བ་ཕྱེད་ཀྱིས་འཆི་འགྱུར་ན།། དམ་ཚིག་ཉམས
349a6 པ་སྨོས་ཅི་དགོས།། ཞེས་གསུངས་སོ།། དེ་ལ་འདི་ནི་སྐྱེ་འགྲོ་འདུལ་བའི་ཕུར་བུ་བསྒྲུབ་པའི་ཐབས་སོ།། སྡིག་པ་བྱེད་དམ་གནོད་བྱེད་པ།། རྡོ་རྗེ་ཕུར་བུས་གདུལ་བར་བྱ།། དུར་ཁྲོད་གནས་སམ་རྐང་གཅིག་ཏུ།།
iiif viewer powered by OpenSeadragon
