| e-texts navigator |
| Wylie |
348b1 མཁའ་དབྱིངས་ཡོངས་སུ་གང་བར་བསྒོམ།། སླར་འདུས་འོད་ཀྱི་ཐིག་ལེར་གསལ།། ང་ཉིད་བདག་གིས་ལུས་ལ་དབབ།། བདག་གི་བ་སྤུའི་བུ་ག་གནས།། སངས་རྒྱས་སྤྲིན་ཆེན་རབ་འཕྲོས་ཏེ།། འདོད་པའི་ལུས
348b2 ནང་གང་བར་བྱ།། སངས་རྒྱས་སྤྲིན་གྱིས་དེ་ལུས་ལ།། དབང་བསྐུར་བ་ནི་རབ་ཏུ་སྩོལ།། དེ་ཡིས་སྐད་ཅིག་དེ་ཡི་ཚེ།། དྲག་པོ་གཏུམ་པོའང་ལྷན་ནེར་འགྱུར།། ཞེས་གསུངས་སོ།། དེ་ལ་འདི་ནི་རྒྱས་པའི་བསྒྲུབས
348b3 པའི་ཐབས་སོ།། ནམ་མཁའི་དབུས་སུ་ཟླ་བ་ལ།། ཆོས་ཀྱི་སེམས་དཔའ་བསྒོམ་པར་བྱ།། སྙིང་གར་ཟླ་བའི་དཀྱིལ་འཁོར་ལ།། གོས་དཀར་ཅན་གྱི་སྙིང་པོ་བསམ།། དེ་ལས་གོས་དཀར་ཉིད་འཕྲོས་པས།། མཁའ
348b4 དབྱིངས་ཡོངས་སུ་གང་བར་བསྒོམ།། དེ་ལས་འོད་ཀྱི་གོང་བུ་ནི།། གྲུ་བཞི་ལམ་པར་གསལ་བར་བསྡུ།། བ་སྤུ་རྣམས་ཀྱི་བུ་ག་རྣམས།། རིན་ཆེན་སྤྲིན་ཆེན་རབ་སྤྲོས་པས།། རྡོ་རྗེ་ཆོས་སུ་བསྒོམ་ནས་སུ།། འདོད་པར
348b5 བྱ་བའི་ལུས་ནང་དགང་།། ཡང་ནས་ཡང་དུ་འདི་བྱས་ན།། བར་སྣང་ཅི་འདོད་རྒྱས་པར་འགེངས།། ནོར་བུ་རིན་ཆེན་བཞིན་འདྲར་འགྱུར།། དགོས་པ་ཕྲ་མོ་སྨོས་ཅི་དགོས།། ཞེས་གསུངས་སོ།། དེ་ལ་འདི་ནི་རྡོ་རྗེ
348b6 དབང་དུ་བསྡུ་བ་བསྒྲུབ་པའི་ཐབས་སོ།། རྡོ་རྗེ་དཀྱིལ་འཁོར་ཟླ་གམ་ནི།། ནམ་མཁའི་དབྱིངས་ཀྱི་དབུས་སུ་བསམ།། རྡོ་རྗེ་ཆོས་མཆོག་གཟུགས་སུ་བསམ།། སྙིང་གར་ཟླ་བའི་དཀྱིལ་འཁོར་ལ།། ཉིད་ཀྱི་སྙིང་པོ
iiif viewer powered by OpenSeadragon
