| e-texts navigator |
| Wylie |
348a1 ཀྱི།། ཕྱག་རྒྱ་དག་ནི་ཐམས་ཅད་དམ།། ཡང་ན་རྡོ་རྗེ་རྒྱ་གྲམ་མམ།། རྡོ་རྗེ་གོ་ཆའི་ཕྱག་རྒྱ་ཡིས།། ལུས་དང་ངག་སེམས་རབ་བསྲུངས་ན།། སངས་རྒྱས་ཀྱིས་ཀྱང་མི་ཚུགས་ན།། ཕལ་པ་རྣམས་ཀྱིས
348a2 སྨོས་ཅི་དགོས།། ཞེས་གསུངས་སོ།། ལས་འདི་སྦྱར་བར་བྱ་བ་ཡང་།། ལྗོངས་སམ་གྲོང་ཁྱེར་གྲོང་དག་ཏུ།། སྔགས་ཀྱི་དབང་པོར་རབ་གནས་ལ།། ནད་ཀུན་སྤོང་བའི་ལས་འདི་བྱ།། རྡོ་རྗེ་རྩེ་ལྔ་འོད་འཕྲོ་བ།།
348a3 བསྐལ་པའི་མེ་བཞིན་བསམས་ནས་སུ།། སྤྲོས་པས་ནད་རྣམས་བསྲེགས་ནས་ནི།། སླང་ཡང་རྡོ་རྗེ་ཉིད་ལ་བསྡུ།། དེ་ནས་རྡོ་རྗེ་དེ་ཉིད་ལས།། འོད་ཟེར་སེར་པོ་སྤྲོས་པ་ཡིས།། ནང་རྣམས་སྟོང་པའི་གནས་དེ་དག
348a4 བསྐལ་པ་ཡུན་དུ་གང་བསམས་ཏེ།། གོམས་པར་ཡང་དང་ཏང་བསམས་ན།། ནད་རྣམས་ཐམས་ཅད་སེལ་བར་བྱེད།། དེ་ན་འཁོར་བའི་སྐྱེ་བོ་རྣམས།། སྤྲུལ་པའི་བདེ་བ་ཐོབ་པར་འགྱུར།། བདེ་གཤེགས་རྣམ་ཀྱིས
348a5 བྱིན་གྱིས་རློབས།། ཚེ་རིང་ལང་ཚོ་བདེ་བར་འགྱུར།། ཞེས་གསུངས་སོ།། དེ་ལ་འདི་ནི་ཞི་བ་བསྒྲུབ་པའི་ཐབས་སོ།། རབ་ཏུ་དབེན་ཞིང་ཉམས་དགའ་བར།། རྣམ་པར་སྣང་མཛད་བསྒོམ་པ་ནི།། ནམ་མཁའི
348a6 དབུས་སུ་ཟླ་བ་ལ།། དཀྱིལ་འཁོར་ཟླུམ་པོ་བསམས་ནས་སུ།། རྣམ་པར་སྣང་མཛད་དཀྱིལ་འཁོར་བསྐྱེད།། སྙིང་གར་ཟླ་བའི་དཀྱིལ་འཁོར་ལ།། བུད་དྷ་ལོ་ཙའི་སྙིང་པོ་བསམ།། དེ་ལས་ལྷ་མོའི་སྐུར་སྤྲོས་པས།།
iiif viewer powered by OpenSeadragon
