| e-texts navigator |
| Wylie |
347b1 མངོན་ཤེས་ཀུན་བསྡུས་ནས།། ཟོས་སམ་རྣ་བའི་ནང་བཞག་ན།། སངས་རྒྱས་སེམས་ཅན་ཐམས་ཅད་ཀྱི།། སྒྲ་རྣམས་ཐམས་ཅད་ཇི་སྙེད་པ།། རྣ་བའི་དྲུང་དུ་འདུས་པ་བཞིན།། སྙིང་གི་བྱེ་བྲག་ཐམས་ཅད་ལ།།
347b2 སངས་རྒྱས་སེམས་ཅན་ཐམས་ཅད་ཀྱི།། དྲན་པའི་མངོན་ཤེས་ཀུན་བསྡུས་ནས།། ཟོས་སམ་སྙིང་གར་བཞག་ན་ནི།། སངས་རྒྱས་སེམས་ཅན་ཐམས་ཅད་ཀྱི།། ཐུགས་དང་སེམས་ཀྱི་རྒྱུད་དག་ནི།། མཁྱེན་ཅིང་རིག
347b3 པ་ཀུན་ཤེས་འགྱུར། ཡུམ་གྱི་མཁའ་ལས་བྱུང་བ་ཡི།། རཀྟ་དག་ནི་ཐམས་ཅད་ལ།། སངས་རྒྱས་སེམས་ཅན་ཐམས་ཅད་ཀྱི།། གནས་རྣམས་མ་ལུས་ཀུན་བསྡུས་ནས།། ཟོས་སམ་སྙིང་གར་བཞག་ན་ནི། སྔོན་གྱི
347b4 གནས་ཀྱི་གཏན་ཚིགས་རྣམས།། ཞག་གསུམ་ལོན་བཞིན་གསལ་བར་འགྱུར།། སྙིང་གར་ཡེ་ཤེས་སེམས་དཔའ་བསྒོམ།། ཕྱོགས་བཅུར་གནས་པའི་སངས་རྒྱས་རྣམས།། བ་ཀུན་ནས་དེ་དག་རྫུ་འཕྲུལ་རྣམས།།
347b5 ཕྲོགས་ནས་སྙིང་གར་བསྡུ་བྱས་ན།། སངས་རྒྱས་དག་ནི་ཐམས་ཅད་ཀྱི།། རྡོ་རྗེ་རྫུ་འཕྲུལ་ཐམས་ཅད་ཀུན།། འགྲུབ་པར་འགྱུར་བར་གདོན་མི་ཟ།། ཞེས་གསུངས་སོ།། དེ་ལ་འདི་ནི་རྡོ་རྗེ་བསྲུང་བ་བསྒྲུབ་པའི་ཐབས
347b6 སོ།། སྐུ་གསུང་ཐུགས་ནི་རྣམ་བསྒོམས་ལ།། སྙིང་གར་ཉི་ཟླའོ་དཀྱིལ་འཁོར་ལས། ཁྲོ་བོ་འོད་ཀྱི་ཕྲེང་བ་ཡིས།། བསྲུང་བར་བྱ་བའི་ཟུང་རྔུ་རྣམས།། ཕྱུང་སྟེ་མེད་པར་བསམས་ནས་ནི།། ལྷ་རྣམས་དག་ནི་ཐམས་ཅད
iiif viewer powered by OpenSeadragon
