| e-texts navigator |
| Wylie |
346b1 ནི་འདི་ནི་རྡོ་རྗེ་ལྕེ་བསྒྲུབ་པའི་ཐབས་སོ།། བདག་ཉིད་སྔགས་ཀྱི་སྐྱེས་བུ་ཡི།། རྡོ་རྗེའི་སྐུར་ནི་རབ་བསྒོམས་ལ།། ལྕེ་ལ་པདྨའི་དཀྱིལ་འཁོར་དུ།། རྡོ་རྗེའི་སྦྱོར་བས་ཨོཾ་དུ་བསམ།། དེ་ལས་རྡོ་རྗེ་གསུང་དུ་གྱུར།།
346b2 བསམ་ཡས་ཨོཾ་གི་འཕྲོ་འདུ་ལས།། སངས་རྒྱས་གསུང་དང་སེམས་ཅན་དག། བདག་གི་ལྕེ་ལ་འདུས་པ་རུ།། ཡང་ན་ཡང་དུ་གོམས་པར་བསྡུ།། འཇིག་རྟེན་ཚིག་གམ་ཆོས་ཀྱི་སྒྲ།། ང་བརྗོད་བདེན་ཞིང་ཉན་པ་དང་།།
346b3 བརྫུན་དང་ཕྲ་མ་ཚིག་རྩུབ་སོགས།། ངག་གི་ཉེས་པ་ཅི་བརྗོད་ཀྱང་།། ལྕེ་སྒྲིབ་སྦྱངས་པར་གདོན་མི་ཟ།། ཞེས་གསུངས་སོ།། དེ་ལ་འདི་ནི་ཤ་རྣམ་པ་ལྔའི་དངོས་གྲུབ་བསྒྲུབ་པའི་ཐབས་སོ།། བདག་ཉིད་ལུས་ངག
346b4 སེམས་རྡོ་རྗེ།། རྡོ་རྗེ་གསུམ་དུ་རྣམ་པར་བསྒོམ།། མཚན་དང་དཔེ་བྱད་ཡང་དག་ལྡན།། ཡེ་ཤེས་དམ་ཚིག་སྙིང་གར་བསྒོམ།། དབུ་རྒྱན་རྡོ་རྗེ་གསལ་བར་བྱ།། ཤ་ཆེན་དག་ནི་ཐམས་ཅད་ལ།། ས་བོན་ཨོཾ་གྱིས་རྣམ
346b5 པར་སྦྱང་།། སྲིད་གསུམ་སེམས་ཅན་ཐམས་ཅད་ཀྱི།། ཤ་ཆེན་ཇི་སྙེད་ཡོད་པ་ཀུན།། ཨོཾ་གྱི་འཕྲོ་འདུས་བསྡུས་ནས་ནི།། སྤྱོད་ཚེ་བདག་ལ་ཐིམ་པ་བསྒོམ།། གླང་པོ་དག་གི་ཤ་རྣམས་ལ།། ཧཱུཾ་ལྕེའི་དམ་ཚིག་རྡོ་རྗེ་ལ།།
346b6 རྡོ་རྗེ་ཅན་གྱི་ཧཱུཾ་དུ་བསྒོམ།། ཡེ་ཤེས་ལྔ་ཡི་སྦྱོར་བ་ཡིས།། ཟོས་ན་དམ་ཚིག་སྐུ་གསུང་ཐུགས།། རྡོ་རྗེ་ཐོབ་པར་གདོན་མི་ཟ།། ཕྱག་ན་རྡོ་རྗེའི་མཐུ་སྟོབས་འགྲུབ།། ཆོ་ག་གོ་རིམ་དེ་ཡིས་ནི།། གླང་པོ་དག་གི་ཤ་རྣམས
iiif viewer powered by OpenSeadragon
