| e-texts navigator |
| Wylie |
346a1 བཅུག་རང་གི་སྙིང་པོ་ལས།། རབ་ཏུ་གོམས་པར་འདི་བྱས་ན།། རང་འདོད་རིག་འཛིན་གདོན་མི་ཟ།། མཐའ་ཡས་ཞིང་ཁམས་ཐམས་ཅད་ཀྱི།། རྡུལ་སྙེད་བཞུགས་པའི་སངས་རྒྱས་ཀུན།། དེ་ཡི་རྗེས
346a2 སུ་འབྲང་བར་འགྱུར།། དེ་ལ་སོགས་ཏེ་མཐའ་ཡས་མཆོག། ཅེས་གསུངས་སོ།། ཡང་ན་རང་གི་ཕྱག་རྒྱ་སྟེ། ནམ་མཁའ་དབྱིངས་ཀྱི་དབུས་དག་ཏུ།། ཟླ་བའི་དཀྱིལ་འཁོར་སྟེང་དུ་ནི།། བདག་ཉིད་གང་འདོད་ལྷར
346a3 བསྒོམས་ཏེ།། རང་གི་ཕྱག་རྒྱ་བརྙན་མར་བྱ།། ལག་ཏུ་ཐོགས་ལ་རང་རིག་སྔགས། བཟླས་ན་རིག་འཛིན་གང་ཡིན་འགྱུར།། རང་གི་ལྷ་ནི་གང་ཡིན་པའི།། ཡོན་ཏན་དག་ནི་དེ་ཐོབ་འགྱུར།། ཞེས་གསུངས་སོ།། དེ་ལ
346a4 འདི་ནི་རྡོ་རྗེ་ལྷ་དང་། ལྷ་མོ་དགུག་པའི་ཆོ་གའོ།། ཤིང་གཅིག་དྲུང་ངམ་བཞི་མདོ་འམ།། མཚན་མ་གཅིག་དང་ཞི་གནས་སུ།། བདག་ཉིད་གཙོ་གཟུང་ལྡན་བྱས་ནས།། སྐུ་གསུང་ཐུགས་ཀྱི་བདག་ཉིད་བསམ།། སྐུ
346a5 གསུང་ཐུགས་ཀྱི་རྡོ་རྗེ་ལས།། ལག་ན་ཀྱོ་བ་ཐོགས་པ་ཡི།། སྤྲུལ་པ་བསམ་ཡས་འཕྲོ་བར་བྱ།། ཛ་ཡཱ་ར་ཎ་ཕཊ།། གང་དགུག་ལྷའམ་བུད་མེད་དམ།། ཡཾ་ལས་རླུང་གིས་བཏེག་བསམ་ཏེ།། ཀྱོབས་གདན་ནམ་སྙིང་ག
346a6 ནས།། གཟུང་སྟེ་ཧཱུཾ་གིས་བསྡུས་བྱས་ན།། སངས་རྒྱས་གྲགས་པ་ཆེན་པོ་ཡང་།། རང་དབང་མེད་པར་ཁུགས་འགྱུར་ན།། འཇིག་རྟེན་བུ་མོ་སྨོད་ཅི་དགོས།། གང་འདོ་ལས་དེ་བྱེད་པར་འགྱུར། ཞེས་གསུངས་སོ།། དེ
iiif viewer powered by OpenSeadragon
