| e-texts navigator |
| Wylie |
345b1 བསྒྲུབ་པའི་ཐབས་སོ།། དགོན་པའི་གནས་སམ་རི་བོ་དབེན།། མེ་ཏོག་འབྲས་བུ་རྒྱས་པར་རུ།། རང་གི་ལུས་ངག་སེམས་རྡོ་རྗེའི།། སྙིང་གར་ཟླ་བའི་དཀྱིལ་འཁོར་ལ།། འཇམ་དཔལ་ས་བོན་མུཾ་དུ་བསྒོམ།། བདག
345b2 ལུས་དང་ནི་ཟླ་བ་དང་།། མུཾ་རྣམས་རིམ་པ་ཇི་ཞི་ལ།། སྟོང་པ་ཉིད་ཀྱི་རྣམ་པ་ལས།། སྙིང་རྗེ་མུཾ་དག་ཟླ་བ་ལས།། རྡོ་རྗེ་འཇམ་པའི་ཕྱག་རྒྱ་བསྒོམ།། ལུས་དང་ངག་སེམས་རྡོ་རྗེ་ལས།། རྡོ་རྗེ་འཇམ་པ་རབ་འཕྲོས
345b3 པས།། འཇམ་དཔལ་ཉིད་དང་འདྲ་བར་འགྱུར།། དཔག་ཚད་བརྒྱ་ཡི་ཁྱོན་ཙམ་དུ།། རྡོ་རྗེ་འཇམ་པའི་འོད་དང་བཅས།། རྒྱན་རྣམས་ཀུན་གྱིས་ལེགས་བརྒྱན་པའི། འཇམ་དཔལ་ཉིད་དུ་ཀུན་གྱིས་མཐོང་།། མངོན
345b4 ཤེས་ལྡན་པའི་ལྷ་རྣམས་ཀྱིས།། ལུས་ཀྱི་རྣམ་པ་མཐོང་མི་འགྱུར།། དེ་ནས་སླར་ནི་བསྡུས་པ་ལས། ཐུགས་ཀའི་མུ་ལ་ཐིམ་བསམས་ན།། མཆོག་ཏུ་ཤེས་རབ་རྣོ་བ་དང་།། མཁྱེན་རབ་ཀུན་གྱི་བདག་པོར་འགྱུར།།
345b5 ཐམས་ཅད་མཁྱེན་པའང་ཐོབ་འགྱུར་ན།། འཇིག་རྟེན་ཤེས་བྱ་སྨོས་ཅི་དགོས།། ཞེས་གསུངས་སོ།། དེ་ལ་འདི་ནི་རྡོ་རྗེ་རིག་འཛིན་བསྒྲུབ་པའི་ཐབས་སོ།། ནམ་མཁའ་དབྱིངས་ཀྱི་དབུས་དག་ཏུམ།། ཟླ་བའི་དཀྱིལ
345b6 འཁོར་བསམས་ནས་སུ།། རང་ཉིད་གང་འདོད་ལྷར་བསྒོམས་ཏེ། སྐུ་གསུང་ཐུགས་སུ་བྱིན་བརླབས་པའི།། དམ་རྫས་བདུད་རྩི་རྣམ་ལྔ་ལ།། སྲན་མ་ཙམ་གྱི་རིལ་བུ་བྱ།། ལྕགས་གསུམ་ག་འུར་བཅུག་ནས་ནི། ཁར
iiif viewer powered by OpenSeadragon
