| e-texts navigator |
| Wylie |
345a1 བསྒོམ།། དེ་ལྟའི་འཕྲོ་འདུ་ཡང་དང་ཡང་།། གོམས་པར་ཅི་ནུས་དག་ཏུ་བྱ།། དེ་ནི་གསུང་གི་ཕྲ་མོར་བཤད།། སོ་སོའི་གསུང་གི་ཡིག་འབྲུ་ལས།། ཕྱག་མཚན་ཡུངས་ཀར་ཙམ་དུ་གསལ།། སྙིང་ག་ཉིད
345a2 དུ་གསལ་བ་ནས།། རྒྱལ་བའི་ཕོ་བྲང་འདུས་ཀྱི་བར།། གོང་མའི་གོ་རིམས་དེ་ཡིས་བྱ།། དེ་ནི་ཐུགས་ཀྱི་ཕྲ་མོར་བཤད།། སོ་སོའི་ཐུགས་མཚན་གསལ་བ་ལས།། རང་རང་ལྷ་ཡི་རྣམ་པར་གསལ།། ཐུགས་ཀར
345a3 ཡུངས་ཀར་འབྲུ་ཚོད་ཙམ།། གོང་མའི་ཚུལ་དུ་བྱ་བར་བཤད།། དེ་ནི་སྐུ་ཡི་ཕྲ་མོ་ཡིན།། དེ་ལྟར་ལྷ་ཚོགས་མ་ལུས་པར།། རིམ་གྱིས་ཡང་ན་ཅིག་ཅར་རོ།། ཅིག་ཅར་བསྒོམ་པ་ཤིན་ཏུ་དཀའ།། བདེ་གཤེགས་རྒྱལ་བ
345a4 སངས་རྒྱས་ཀྱི།། ཐམས་ཅད་མཁྱེན་པའི་སྤྱོད་ཡུལ་མིན།། རྣལ་འབྱོར་ཅན་གྱིས་རིམ་གྱིས་ནི།། གཙོ་ནས་འཁོར་གྱི་བར་དག་ཏུ།། ཡང་ནས་ཡང་དུ་གསལ་བར་བསྒོམ།། འདི་དག་བསྒོམ་པའི་ཡོན་ཏན་ནི།། སངས
345a5 རྒྱས་ཉིད་དུ་འགྲུབ་པར་ངེས།། ཐམས་ཅད་མཁྱེན་པ་བསྒྲུབ་པའི་མཆོག། སྐུ་གསུང་ཐུགས་ཀྱི་དཀྱིལ་འཁོར་ཀུན།། འདི་ལས་འབྱུང་བར་གདོན་མི་ཟ།། འདི་ཟོས་དངོས་གྲུབ་གཞན་རྣམས་ཀུན།། བསྒྲུབ་མི་དགོས
345a6 པར་གྲུབ་པ་ཡིན།། རྣལ་འབྱོར་ཅན་གྱིས་བསྒོམ་བྱས་ན། ཟླ་བ་དྲུག་གིས་ངེས་པར་འགྲུབ།། ཟས་སུ་བཤང་གཅི་ཟ་བའམ།། ཤ་རྣམས་ཟོས་ན་འགྲུབ་པ་ཡིན། ཞེས་གསུངས་སོ།། དེ་ལ་འདི་ནི་རྡོ་རྗེ་མི་སྣང་བ
iiif viewer powered by OpenSeadragon
