| e-texts navigator |
| Wylie |
344b1 སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་།། དེ་ལ་འདི་ནི་ཕྲ་མོའི་ཏིང་ངེ་འཛིན་ལ་བསྒྲུབ་པའོ།། དེ་བཞིན་གཤེགས་པ་ཐམས་ཅད་ཀྱི།། ཐམས་ཅད་མཁྱེན་པ་བསྒྲུབ་པའི་ཕྱིར།། རང་སེམས་ཤིན་ཏུ་སྦྱངས་པས་ན།
344b2 ཕྲ་མོའི་དངོས་གྲུབ་བསྒྲུབ་པ་གཅེས།། རབ་ཏུ་དབེན་པའི་གནས་དག་ཏུ།། བདག་ཉིད་ནམ་མཁའི་དབུས་སུ་ནི།། ཟླ་བའི་དཀྱིལ་འཁོར་ལ་གནས་པའོ།། རང་གི་ལྷར་ནི་རང་བསྒོམས་ནས།། ཕྲ་མོའི་སྦྱོར་བ་ཀུན་དུ
344b3 བརྩམ།། རིན་ཆེན་རྒྱུ་ལས་གྲུབ་པ་ཡི།། བསྙེན་མའི་དཀྱིལ་འཁོར་དེ་བཞིན་དུ།། སོ་སོའི་གསུང་གི་ཡིག་འབྲུ་རྣམས།། ཆེ་ཆུང་ཡུངས་ཀར་འབྲུ་ཚོད་ཙམ།། སྙིང་གའི་དཀྱིལ་དུ་གསལ་བ་ལས།། ཧཱུཾ་གིས་ཁོང་དུ་དྲངས
344b4 ནས་ནི།། ཁོང་ནས་ཁ་རུ་བྱུང་བར་བསལ།། ཧཱུཾ་གི་དབུགས་ལ་ཞོན་ནས་སུ།། སྣ་ཡི་རྩེ་མོར་བྱུང་བ་དང་།། སྣ་རྩེ་ཉིད་དུ་གསལ་བར་བསྒོམ།། ཏིང་འཛིན་གསལ་བར་ཁུགས་པ་དང་། སྣ་ཡི་རྩེ་ནས་ནམ་མཁའ་ལ།།
344b5 ཇེ་རིང་ཇེ་རིང་ཕཊ་ཀྱིས་སྤྲོ།། རིང་དུ་སྤྲོ་བ་གོམས་པ་དང་། འོད་དང་བཅས་པའི་ཡིག་འབྲུ་དེས།། ཕྱོགས་བཅུར་གནས་པའི་སངས་རྒྱས་ཀྱི།། གསུང་གི་ཡི་གེ་ཇི་སྙེད་པ།། དབྱར་གྱི་སྤྲིན་སྦྲང་འདུས་པ་བཞིན།། ཧཱུཾ
344b6 གིས་སྙིང་ག་ཉིད་དུ་བསྡུ།། ཡུངས་ཀར་འབྲུ་ཚོས་དེ་ཉིད་ལ།། སྟོང་གསུམ་འཇིག་རྟེན་ཀུན་བཅུག་ཀྱང་།། དེ་ཡི་ནང་དུ་ས་ལེ་གསལ།། སྔགས་ཀྱིས་བརྟགས་པའི་ལྷ་རྣམས་ཀྱི།། གནས་སུའང་དེ་ཉིད་གསལ་བར
iiif viewer powered by OpenSeadragon
