| e-texts navigator |
| Wylie |
344a1 དགྱེས་པའི་རྡོ་རྗེ་རབ་གསོར་ནས། བྱང་ཆུབ་སེམས་སྤྱན་དབབ་དུ་གསོལ།། ཟླ་བའི་འོད་ཟེར་གྱིས་བསྐུལ་བ།། ཨེ་མའོ།། འོད་ཟེར་དགའ་སྟེ་ཡིད་འོང་མ།། སེམས་འཕྲེང་གདུངས་པའི་ཤེས་རབ
344a2 གཟུངས།། གའུ་འཁྲིལ་བའི་པདྨ་ལ།། རྡོ་རྗེ་བདེ་བའི་བྱང་ཆུབ་འབར།། ཨ་ལ་ལ་ཧོ།། དེ་ནས་གཉིས་མེད་བདེ་མཆོག་སེམས།། སངས་རྒྱས་སྤྲིན་གྱི་ཚོགས་ཆེན་ལ།། དགྱེས་མཉམ་མཆོག་གི་མཆོད་པ་དབུལ།།
344a3 གྲུབ་པ་ཉི་ཟླའི་སྙིང་པོ་དེ།། རྣལ་འབྱོར་རྡོ་རྗེ་ཆེན་པོས་བླང་།། འགྲོ་དྲུག་སེམས་ཅན་བག་ཆགས་སྲེག། ཞི་བའི་མཐའ་ལ་ཤི་བ་བསླང་།། ཕྱོགས་བཅུའི་རྣལ་འབྱོར་ཐུགས་དམ་བསྐུལ།། དེ་ལྟར་བྱ་བའི་དམ་ཚིག་ནི།།
344a4 བསྒྲུབ་པ་ཡིན་པར་རྒྱལ་བས་གསུངས།། དེ་དག་དངོས་གྲུབ་ཐོབ་པའི་རྒྱུ།། རིག་པའི་དམ་ཚིག་བསྒོམས་པའི་ལམ།། སྔགས་ཀྱི་བདག་པོ་བདག་འགྲུབ་སྟེ།། གང་ཡིན་ལས་ལ་འཇུག་ནུས་པའི།། དམ་ཚིག་སྒྲུབ་པོ
344a5 ཆེན་པོ་ཡིན།། ཞེས་གསུངས་སོ།། འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་བསྙེན་བསྒྲུབ་རྣམ་བཞི་བཤད་པའི་ལེའུ་སྟེ་བཅུ་གཅིག་པའོ།། །། དེ་ནས་བཅོམ་ལྡན
344a6 འདས་གསང་བ་མཆོག་གི་བདག་པོ་དེས་འདོད་པ་ཟས་ཅད་རབ་ཏུ་བསྒྲུབ་པའི་སྤྲིན་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས།། བསྒྲུབ་པའི་མཚན་ཉིད་ལས་དངོས་གྲུབ་ཀྱི་བྱེ་བྲག་འདི་ཉིད་ཀྱི
iiif viewer powered by OpenSeadragon
