| e-texts navigator |
| Wylie |
343b1 དོན།། རྒྱ་ཆར་རབ་ཏུ་བཤད་པར་བྱ། སྣང་སྲིད་ཕྱག་རྒྱའི་དཀྱིལ་འཁོར་དུ།། ལྷུན་གྱིས་གྲུབ་པར་ཡིད་ཆེས་བྱ།། དེ་ནས་བསྐུར་བར་བྱ་བའི་ཕྱིར།། གསང་བའི་བརྡ་ཡིས་བསྲེ་བར་བྱ།། ས་མ་ཡ་ཧོ་ཞེས་བརྗོད་ན།།
343b2 ས་མ་ཡ་སྟཾ་ཞེས་པས་བསྲེ།། རཱ་ག་ཡཱ་མི་ཞེས་བརྗོད་ན།། ར་ཧོ་ཧཾ་ཞེས་ཀྱང་ནི་བྱ།། ཏི་པ་སུ་ཀེ་ཞེས་བརྗོད་ན།། གན་དེ་ཙི་ཏ་ཞེས་པས་མཚོན།། ཨ་ཏི་པུ་ཧོ་ཞེས་བརྗོད་ན།། པྲ་ཏི་པུ་ཧོ་ཞེས་པས་མཚོན།། གཡས་པ
343b3 སྨིན་མ་བསྐྱོད་ན་ནི།། གཡོན་པའི་སྨིན་མས་དེ་བཞིན་མཚོན།། དེ་བཞིན་བརྡ་སྣ་ཚོགས་པས་བསྲེ།། དེ་ནས་བསྐུལ་བར་བྱ་བ་ནི།། ཤེས་རབ་ཉི་མའི་འོད་ཟེར་གྱིས།། ཐབས་མཆོག་ཟླ་བའི་འོད་ཟེར་ལ།། བསྐུལ
343b4 བའི་ཆོ་ག་འདི་སྐད་དོ།། མི་གཡོ་མཆོག་གི་རྒྱལ་པོ་དགོངས་སུ་གསོལ།། རྣམ་པར་རྟོག་བྲལ་ཤིན་ཏུ་དྲི་མེད་སྐུ།། འོད་ཟེར་ཟླ་རྒྱས་འདྲ་བའི་མདངས་ལྡན་ཞལ།། དགྱེས་པའི་རོལ་པའི་དོན་ལ་གཤེགས་སུ་གསོལ།།
343b5 ཐབས་མཆོག་ཟླ་བའི་འོད་ཟེར་གྱིས།། ཤེས་རབ་ཉི་མའི་འོད་ཟེར་ལ།། བསྐུལ་བའི་ཆོ་ག་འདི་སྐད་དོ།། འབྱོར་ལྡན་ཡིད་འོང་རྒྱལ་བ་རྒྱ་མཚོའི་དབྱིངས།། ཤེས་རབ་ཟབ་མོ་རྣམ་དག་པདྨའི་མདངས།། རྫུ་འཕྲུལ
343b6 ཐབས་ལ་མཁས་པའི་སྤྱོད་མཆོག་མ།། འབྱོར་ལྡན་ཡིད་འོང་ཆོ་འཕྲུལ་སྣ་ཚོགས་སྟོན།། ཧོ། ཉི་མའི་འོད་ཟེར་གྱིས་བསྐུལ་བ།། ཨེ་མའོ་པདྨ་འབར་བའི་ཟེའུ་འབྲུ་འདི།། འཛུམ་པའི་མདངས་ཀྱིས་འབུལ་ལགས་ན།།
iiif viewer powered by OpenSeadragon
