| e-texts navigator |
| Wylie |
343a1 འོང་རྣམས།། དངོས་གྲུབ་བསྒྲུབ་པའི་རྟེན་ཡིན་ཏེ།། ཐུགས་རྗེའི་ཡུལ་བས་ཀུན་སྙོམས་བྱའོ།། དེ་དག་གང་རྙེད་བྱིན་གྱིས་བརླབ།། དེ་ཡི་སྤྱི་བོ་གཙུག་ཏུ་ནི།། ཟླ་དཀྱིལ་མཾ་ལས་ཀུན་བཟང་མོ།། སྙིང
343a2 གར་ཟླ་དཀྱིལ་ལཾ་བསམས་ཏེ།། ཡངས་པའི་སྤྱན་དུ་བསྒོམ་པར་བྱ།། ལྕེ་སྟེངས་ཟླ་དཀྱིལ་ཡི་གེ་བཾ།། གོས་དཀར་མ་ཡི་ལྟེ་བ་ལ།། ཟླ་དཀྱིལ་མཾ་ལས་མཱ་མ་ཀཱི།། ཡན་ལག་བཞི་ཡི་དཀྱིལ་འཁོར་ལ།། ཏཾ་ལས་སྒྲོལ
343a3 མའི་ཕྱག་རྒྱར་གསལ།། ལག་གཡས་ལྕགས་ཀྱུའི་སྐུ་རུ་བསྒོམ།། ལག་གཡོན་དྲིལ་བུ་ལྕགས་སྒྲོག་ཁ།། ཞགས་པ་པདྨ་དག་ལའོ།། རྡོ་རྗེ་ཐབས་ལ་ཡབ་རྣམས་བསྒོམ།། དེ་ལྟར་གསལ་བར་གྱུར་པ་དང་། བྷ་གའི
343a4 དབྱིབས་སུ་མེ་རི་བསྒོམ།། བྱང་ཆུབ་སེམས་ཀྱི་འཕྲོ་འདུ་ལས།། ལྷག་པའི་ཏིང་འཛིན་དཀྱིལ་འཁོར་བསྒོམ།། གསལ་ལྡན་མའམ་བྱིན་བརླབས་བྱའོ།། མཚན་ལྡན་ཤེས་རབ་དེ་ཉིད་ལ།། རིན་ཆེན་སྣ་ཚོགས་རྒྱན་དུ
343a5 གདགས།། གསེར་གྱི་རྣ་ཆ་གདུ་བུ་དང་།། དོ་ཤལ་དཔུང་རྒྱན་སེ་མོ་དོ།། འཇམ་ཞིང་གསལ་བར་བྱས་པ་ཡི།། ཆོས་ཀུན་ལྔ་དང་ལྡན་པར་བྱ།། ཨ་ག་རུ་དང་དུ་རུ་སྐ།། དྲི་སྤོས་ཙནྡན་སྦྱར་བ་ཡིན། ཁྲུས་ཀྱི་ཆོ་ག་དག
343a6 པར་བྱ།། དྲི་ཞིམ་བྱུག་པས་ལུས་ལ་བྱུགས།། རྫས་ཀྱི་ཆུ་དང་རྫས་སྦྱར་བས།། ནང་ཡང་དག་པའི་ཁྲུས་བྱའོ།། དེ་ནས་བྱང་ཆུབ་སེམས་བསྐྱེད་དེ།། མི་དམིགས་དོན་ལ་སེམས་སྦྱར་ཕྱིར།། སྐྱེ་མེད་བྱང་ཆུབ་སེམས་ཀྱི
iiif viewer powered by OpenSeadragon
