| e-texts navigator |
| Wylie |
342b1 ཞེས་བྱ་བར་གྲགས།། འདོད་པ་ཆེ་ལ་བརྟུལ་ཞུགས་ཆེ།། ཤེས་པ་གསལ་ལ་བྱེད་བཞིན་ཡངས།། བུ་མོ་མིག་མངས་མ་རུ་བཤད།། སྦས་པའི་བརྡ་དང་ཐབས་ལ་མཁས། ཕྱི་ནང་རླུང་ཁར་གསེར་ལྟར་ལྕི།། བསྡིག་ཅིང
342b2 ཀུན་གྱིས་དྲོང་མི་ལོན།། དོན་ལ་གཞོལ་ལ་རྟོག་པ་མེད།། ཟླ་གསང་དཀར་དམར་རླུང་ཁར་ལྕི།། རིགས་དང་མཚན་དུ་བཤད་པ་ཡིན།། སྒྲ་ནི་མཐོན་མཐིང་ལྕང་ལོར་བཤད།། སྲིད་དུ་རིང་ལ་ཕྲ་ལ་ལྡེམ།། ལྕུག་ཕྲན
342b3 མང་པོ་འདབ་རྒྱས་པ། ལྗོན་པ་མ་ཞེས་བཤད་པ་ཡིན།། ཕྲ་ཞིང་བཤན་ལ་བཟངས་རིང་བ།། བཅུ་གཉིས་ཉི་ཤུ་ལྔ་ཡི་བར།། མཱུ་ལ་རཀྟ་འཛག་པ་ལ།། རྡོ་རྗེ་མཚོན་གྱིས་མ་ཕོག་པ།། ལྕུག་ཕྲན་མ་ཡི་རིགས་སུ་བཤད།།
342b4 སོར་མོ་གྲུ་བཞི་སྐྲ་ཡང་ཁང་།། སྨིན་ཚོགས་ཆེ་ཞིང་མིག་ཀྱང་འབུར།། འགྲམ་གླད་རིང་ལ་སྐྲ་མཚམས་དམའ།། ཤ་མདོག་ཆེ་ཞིང་རྣ་བ་རིང་།། བ་ལང་ཅན་ཞེས་བྱ་བར་བཤད།། བཞིན་མདོག་གྲུ་གསུམ་ཁ་དོག
342b5 གནག། སྐྲ་རྩུབ་ཤེལ་ལ་ཁྲོ་གཉེར་མང་།། རི་མོ་ཅན་ཞེས་བྱ་བར་བཤད།། སྐྱེ་རྒྱུད་མེད་ཅིང་བཀྲ་མི་ཤིས།། གཅིག་པུར་འདུག་པ་གདོང་གཅིག་མའོ།། ཡན་ལག་ཐམས་ཅད་མེས་ཚིག་བཞིན།། གཏན་དུ་འཕེལ་བའི
342b6 རྒྱུ་མེད་པ།། མེ་རེག་མ་ཡི་རིགས་སུ་བཤད།། གཞན་ཡང་ལྷའམ་ལྷ་མིན་ནམ།། གནོད་སྦྱིན་སྲིན་པོ་ལ་སོགས་པ།། མདོར་ན་འཇིག་རྟེན་ཁམས་རྣམས་ན།། མོ་ཡི་རིགས་ཅན་གང་ཡང་རུང་།། ཡིད་དུ་འོང་དག་མི
iiif viewer powered by OpenSeadragon
