| e-texts navigator |
| Wylie |
341b1 བསྒྲུབ་ཆེན་པོ་ཞེས་བྱ།། བྱེ་བྲག་ཏུ་ནི་ཤེས་བྱས་ལ།། དེ་ནས་ལས་རྣམས་བརྩམ་པར་བྱ།། བསྙེན་བསྒྲུབ་བྱེད་བྲག་ཤེས་བྱ་ཞིང་།། དེ་ལ་གནས་པ་རབ་ཏུ་གཅེས།། དེ་དག་མི་ཤེས་མི་གནས་པས།། བསྒྲུབ་ཀྱང
341b2 འགྲུབ་པར་མི་འགྱུར་ཏེ།། ལས་རྣམས་བརྩམས་ཀྱང་དོན་མེད་འགྱུར།། དེ་བས་ནན་ཏན་བསྐྱེད་དེ་བྱ།། བསྙེན་པའི་ཏིང་འཛིན་རབ་སྦྱོར་བས།། བྱང་ཆུབ་སེམས་ནི་ཤེས་པར་བྱ།། ཉེ་བར་བསྙེན་པ་ལ་གནས་པས།།
341b3 བདག་ཉིད་ཕྱག་རྒྱ་ཆེན་པོར་བསྒོམ།། དེ་ཡང་གསང་སྔགས་བདག་པོ་ཉིད།། རིག་མ་བསྐྱེད་དང་བསྐུལ་བྱ་བ།། བསྒྲུབ་པ་ཞེས་སུ་རྒྱལ་བས་གསུངས། ཐབས་དང་ཤེས་རབ་འབྲེལ་བ་ལས།། རང་གི་ལྷ་ཡི་རྣལ
341b4 འབྱོར་གསུངས།། གང་ཡིན་རྡོ་རྗེ་འགྲུབ་འགྱུར་བ།། བསྒྲུབ་པ་ཆེན་པོ་ཞེས་སུ་བྱ།། བྱང་ཆུབ་སེམས་ཞེས་བྱ་བ་ཡང་།། དམ་པའི་དོན་གྱི་སེམས་ཡིན་ཏེ།། ཆོས་རྣམས་ཐམས་ཅད་དངོས་མེད་པས།། རང་གི་སེམས
341b5 ཀྱིས་ཤེས་བྱ་བ།། བསྟན་པའི་དམ་ཚིག་ཡིན་པར་གསུངས།། བདག་ཉིད་ཕྱག་རྒྱ་ཆེན་པོ་ནི།། སྔགས་ཀྱི་བདག་པོའི་ཆ་ལུགས་སུ།། ཏིང་འཛིན་ནན་ཏན་ཁུགས་པར་བསྒོམ།། ཐམས་ཅད་ལྷ་ཡི་རང་བཞིན་པས།།
341b6 བདག་ཉིད་ལྷ་ཡི་མཚན་ཉིད་དེ།། ཕྱག་རྒྱ་བཞི་དང་རྣམ་ལྡན་པར།། ཤེས་པ་ཉེ་བསྙེན་དམ་ཚིག་ཡིན།། རིག་མ་བསྐྱེད་དང་བསྐུལ་བྱ་བའི།། རྟེན་དུ་བྱ་བ་ཤེས་རབ་མ།། མཚན་ལྡན་བཀྲ་ཤི་གསང་བའི་གཟུངས།།
iiif viewer powered by OpenSeadragon
