| e-texts navigator |
| Wylie |
341a1 བསྣོལ།། དྲིལ་བུ་གསིལ་ཚུལ་བདུད་རྩི་འཁྱིལ།། ལག་པ་གཡས་པ་ཁུ་ཚུར་འཕྱར།། བརྡེག་པའི་སྟབས་སུ་བྱས་པ་ནི། ཁམས་གསུམ་རྣམ་རྒྱལ་ཕྱག་རྒྱ་ཡིན།། ལག་གཉིས་ཁུ་ཚུར་ཐུར་དུ་བརྐྱང་།།
341a2 གནོན་པའི་སྟབས་སུ་བགྲད་པ་ནི།། སྟོབས་པོ་ཆེ་ཡི་ཕྱག་རྒྱ་ཡིན།། གྱད་ཀྱི་དོར་སྟབས་ཚུལ་དུ་གནས།། སྟོབས་སུ་མཆོད་བ་ཁྲོ་བོའི་རྒྱ།། སྲིན་མོ་རྣམས་ཀྱི་ཕྱག་རྒྱ་ནི།། རྐང་ལག་གར་ཐབས་བསྐོར་བ་ཡིན།། ཡང
341a3 ན་ཁྲོ་བོའི་ཕྱག་རྒྱ་ལས།། གཡས་གཡོན་བཟློག་པ་ཡིན་པར་གསུངས།། ཅི་བགྱིད་དཀའ་ཉན་ཕྱག་རྒྱ་ནི།། གཡས་གཡོན་སོར་མོ་དྲག་སྤྲུགས་པའོ་ཞེས་གསུངས་སོ།། འཕགས་པ་རྒྱུད་ཀྱི་རྒྱལ་པོ་ཆེན་པོ་ཡེ་ཤེས་རྔམ
341a4 པ་གློག་གི་འཁོར་ལོའི་མདོ་ཞེས་བྱ་བ་ལས་འཇིགས་བྱེད་རྣམས་ཀྱི་ཕྱག་རྒྱ་བསྟན་པའི་ལེའུ་སྟེ་བཅུ་པའོ།། །། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་བསྙེན་བསྒྲུབ་རྒྱུན་གྱི་ཏིང་ངེ་འཛིན
341a5 ལ་སྙོམས་པར་ཞུགས་སོ།། ཞུགས་ནས་ཀྱང་བསྙེན་བསྒྲུབ་ཟབ་མོའི་དཀྱིལ་འཁོར་འདི་དག་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་།། བསྙེན་བསྒྲུབ་ཡན་ལག་བསམ་ཡས་ཀྱང་།། དཀྱིལ་འཁོར་དག་ནི
341a6 ཐམས་ཅད་ལ།། རྣལ་འབྱོར་འཇུག་པའི་དོན་གྱི་ཕྱིར།། མདོར་བསྡུས་རྣམ་པ་བཞིར་བཤད་དོ།། ཐོག་མར་བསྙེན་པ་ཡིན་པར་བཤད།། གཉིས་པ་དག་ནི་ཉེ་བསྙེན་པ།། གསུམ་པ་བསྒྲུབ་པ་ཞེས་སུ་བརྗོད།། ཐ་མ
iiif viewer powered by OpenSeadragon
