| e-texts navigator |
| Wylie |
340b1 ཚོགས་ཀྱི་ཕྱག་རྒྱ་ཡིན།། མཛུབ་གཉིས་རྩེ་སྦྱར་ཕག་གདོང་གིས།། ཐ་རྒོད་རློག་པའི་ཚུལ་བསྟན་པ།། ཕག་གདོང་ཚོགས་ཀྱི་ཕྱག་རྒྱ་ཡིན།། མཛུན་གཉིས་ལུ་གུ་རྒྱུད་དུ་འཁྱུད།། སེང་གེའི་ཚུལ་དུ་རལ་གསིགས་པ།
340b2 སེང་གདོང་ཚོགས་ཀྱི་ཕྱག་རྒྱ་ཡིན།། ལག་གཉིས་རབ་ཏུ་བསྐྱོད་བྱ་ཞིང་།། ཕྱོགས་བཅུར་ལྟ་བར་བྱེད་པ་ནི།། སྦྲུལ་གདོང་ཚོགས་ཀྱི་ཕྱག་རྒྱ་ཡིན།། ལག་པའི་ཕྱག་རྒྱ་བཅིངས་བྱས་ཤིང་།། རྐང་པ་འཇོག་ཚུལ་སྟབས
340b3 སུ་མཆོད་།། གཡས་པའི་སྡིག་མཛུག་ནམ་མཁར་འཕྱར།། གཡོ་བ་དཀུ་རུ་བརྟེན་པ་ནི།། ཧཱུཾ་ཀ་ར་ཡི་ཕྱག་རྒྱ་ཡིན།། ལག་པ་གཡས་པ་སྡེར་མོ་གདེངས།། གཡོན་པ་འཛིན་པ་རྣལ་རྒྱལ་རྒྱ།། གཡས་ཀྱི་སོར་མོ་དབྱུག
340b4 པར་བརྐྱང་།། གཡོན་པ་གར་ཐབས་སྐོར་བར་བྱེད།། དབྱུག་སྔོན་ཅན་གྱི་ཕྱག་རྒྱ་ཡིན།། གཡས་པའི་ཁུ་ཚུར་ནམ་མཁར་འཕྱར།། གཡོན་པས་གྲུ་མོ་བརྟེན་པ་ནི།། གཤིན་རྗེ་འཇོམས་པའི་ཕྱག་རྒྱ་ཡིན།། གཡས
340b5 པའི་གུང་འཛུབ་སྲིན་ལག་བཀྲུང་།། མཐེའུ་ཆུང་མཐེ་བོས་མནན་པར་བྱ།། གཡོན་པའང་དེ་བཞིན་ཤུགས་སུ་བྱ།། མི་གཡོ་རབ་གྲིའི་ཕྱག་རྒྱ་ཡིན།། ལག་གཉིས་མཐེའུ་ཆུང་ལུ་གུ་རྒྱུད།། ལྷག་མ་ཁུ་ཚུར་བཅངས་པ
340b6 ལས།། དཔྲལ་བའི་ཐད་ཀར་བཟུང་བ་ནི། རྟ་མཆོག་དཔལ་གྱི་ཕྱག་རྒྱ་ཡིན།། ལག་གཉིས་ཁུ་ཚུར་མདུན་དུ་བཅངས།། ཞགས་པའི་ཚུལ་དུ་དྲངས་པ་ནི།། གཞན་གྱི་མི་ཐུབ་ཕྱག་རྒྱ་ཡིན།། ལག་གཉིས་ཁུ་ཚུར་གྱེན་དུ
iiif viewer powered by OpenSeadragon
