| e-texts navigator |
| Wylie |
339b1 ནི་རྡོ་རྗེའི་ཚུལ།། གཡོན་པ་བན་དྷ་ལྟར་བྱས་ནས།། དཀྲུགས་ནས་ཞལ་དུ་གསོལ་བ་ནི།། རྡོ་རྗེ་ཁྲག་འཐུང་ཕྱག་རྒྱ་ཡིན།། གཡས་པ་གཙོ་ལ་འཁྱུད་ཚུལ་དུ།། གཡོན་པར་རཀྟ་སྟོབས་པ་ནི།། རྡོ་རྗེ་ཀྲོ་དྷི་ཀུན་གྱི་རྒྱ།།
339b2 ལག་པ་གཡས་པ་བརྐྱང་བྱས་ཏེ། གཡོན་པ་དུང་དམར་རཀྟ་འཐུང་།། འདི་ནི་རིན་ཆེན་ཁྲག་འཐུང་རྒྱ།། དེ་ཉིད་གུང་འཛུབ་སྲིན་ལག་བཞི་པས།། རལ་གྲི་འདེབས་པ་ལྟར་བྱས་པ།། པདྨ་ཁྲག་འཐུང་ཕྱག་རྒྱ་ཡིན།། དེ
339b3 ཉིད་གཡས་པ་ཁུ་ཚུར་བཅངས།། མཐེ་བོང་གུང་མཛུབ་མཐེའུ་ཆུང་རྣམས།། སོ་སོར་བརྐྱང་བ་རྒྱ་གྲམ་ཚུལ།། ལས་ཀྱི་ཁྲག་འཐུང་ཕྱག་རྒྱར་བཤད།། ཁྲག་འཐུང་གཡས་བརྐྱང་གཡོན་བསྐུམ་ཚུལ།། ཀྲོ་དྷི་གཡོན
339b4 བརྐྱང་གཡས་བསྐུམ་ཚུལ།། སྟབས་སུ་མཆོང་བར་དཔའ་བོས་བཤད།། གཡས་པའི་ཁུ་ཚུར་བཅངས་ནས་བསྒྲེང་།། གཡོན་པ་འཛིན་པ་ལྟར་བྱས་པ།། གཡས་དང་གཡོན་དུ་ལྟ་ཞིང་སྦྱར།། གོ་རི་ཚོགས་ཀྱི་ཕྱག་རྒྱ
339b5 ཡིན།། མདའ་གཞུ་འགངས་པའི་ཚུལ་དུ་ནི།། འབུར་ཚུགས་མི་འགྱུར་ལྟ་བྱེད་པ། རྐུན་མོའི་ཚོགས་ཀྱི་ཕྱག་རྒྱ་ཡིན།། གཡས་པས་ཁུ་ཚུར་བཅངས་པ་ནི།། མཐེ་བོ་མཐེའུ་ཆུང་བརྐྱང་པར་བྱས།། གཡོན་པས་འཛིན
339b6 པའི་ཁྲོ་ཚུལ་ལྟ།། ཕྲ་མོའི་ཕྱག་རྒྱ་དཔའ་བོས་བཤད།། གཡས་པའི་གུང་མོ་རྩེ་མོ་བརྐྱང་།། སོར་བཞི་རྩེ་བསྡུས་རྡོ་རྗེ་འཕྱར།། གཡོན་པ་དཀུ་རུ་བརྟེན་པ་ནི།། འབུར་ཚུགས་ལྟ་བ་བེ་ཏའི་རྒྱ།། གཡོན་པས་ཉོན་མོངས
iiif viewer powered by OpenSeadragon
