| e-texts navigator |
| Wylie |
339a1 ལུ་རུ་ལུ། ཙྪ་ཧཱ་ཧཱུཾ། ཕཊ་ཕཊ་ཕཊ། ཞེས་གསུངས་པས་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་གསུང་གི་དཀྱིལ་འཁོར་དུ་གྱུར་པའོ།། འཕགས་པ་རྒུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར
339a2 ལོའི་མདོ་ཞེས་བྱ་བ་ལས་འཇིགས་བྱེད་ཆེན་པོའི་དཀྱི་འཁོར་བསྟན་པའི་ལེའུ་སྟེ་དགུ་པའོ།། །། དེ་ནས་བཅོམ་ལྡན་འདས་རྔམ་པའི་རྒྱལ་པོ་དེས་སྟང་སྟབས་ཀྱི་རྣམ་པར་རྒྱལ་བའི་རྒྱལ་པོ་ཞེས་བྱ་བའི་ཏིང་ངེ
339a3 འཛིན་ལ་སྙོམས་པར་ཞུགས་ནས་སྟང་སྟབས་འདི་དག་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་།། ཆོས་ཀུན་མཉམ་པའི་ངང་རྟོགས་ན།། བསྐུལ་ཞིང་བསིགས་པ་ཐམས་ཅད་ཀུན།། ཕྱག་རྒྱ་ཡིན་པར
339a4 དཔའ་བོས་བཤད།། རང་གི་ལྷ་ཡི་ཏིང་འཛིན་གྱིས།། སྟང་སྟབས་འདི་ལ་གང་གནས་པ།། སངས་རྒྱས་ཉིད་ཀྱང་སྐྲག་འགྱུར་ན།། དྲེགས་པའི་ཚོགས་ལྟ་སྨོས་ཅི་དགོས།། ལག་གཉིས་ཐལ་སྦྱར་སྤྱི་གཙུག་བཞག།
339a5 རྐང་གཉིས་མཐིལ་སྦྲད་རྩེ་མོ་བཙུགས།། མགོ་མཚན་རྡོ་རྗེ་སྙིང་པོར་བསྒོམ།། རྩེ་གཅིག་རྩེ་གསུམ་རྩེ་ལྔ་དང་།། རྩེ་དགུ་བཅུ་གཅིག་རྡོ་རྗེ་བསྒོམ།། ས་སྟེངས་ཀུན་དུ་མཆོད་བྱས་པ།། འཇིགས་བྱེད་ཆེན་པོའི་ཕྱག་རྒྱ
339a6 ཡིན།། དེ་ཉིད་གཡོན་གྱི་ཕྱོགས་ནས་འཚོང་།། འཇིགས་བྱེད་མ་ཡི་ཕྱག་རྒྱ་བཤད།། ལག་གཡས་གུང་མོ་སྙིང་པོར་བྱ།། གུང་མཛུབ་སྲིན་ལག་རྩེ་གསུམ་ཚུལ།། མཐེ་བོས་མཐེའུ་ཆུང་མནན་པར་བྱ།། ལྷག་མ་རྣམས
iiif viewer powered by OpenSeadragon
