| e-texts navigator |
| Wylie |
338a1 ཆ་དེ་བཞིན་ཆོས།། སྒོ་སྲུང་གདོང་མོ་ལ་སོགས་གནས།། རང་གི་ལག་མཚན་སྟན་དང་ཆས།། འབར་བའི་བར་ཁྱམས་གཉིས་པ་ལ།། རྡོ་རྗེ་སྲིན་པོ་ཁྲོ་བོ་བཅུ།། ཧཱུཾ་ཆེན་རྣམ་རྒྱལ་དབྱུག་སྔོན་ཅན།།
338a2 གཤེད་པོ་མི་གཡོ་རྟ་མགྲིན་རྒྱལ།། གཞན་གྱིས་མི་ཐུབ་བདུད་རྩི་འཁྱིལ།། ཁམས་གསུམ་རྣམ་རྒྱལ་སྟོབས་པོ་ཆེ།། དེ་དག་རྣམས་དང་གཉིས་མེད་པའི།། རྡོ་རྗེ་སྲིན་མོ་ཁྲོ་མོ་བཅུ།། རླུང་འབྱིན་སྙེམས་མ་སྡེར་མོ་དང་།།
338a3 དུར་ཁྲོད་གཏུན་ཁུང་གཏུམ་མོ་དང་།། མདའ་སྙེམས་སྒྲ་འབྱིན་གསོད་མ་དང་།། སྐུལ་བྱེད་རྣམས་ཀྱིས་རབ་ཏུ་འཁྲིལ།། ཀུན་ཀྱང་ཞལ་གསུམ་ཕྱག་དྲུག་སྟེ།། ཞབས་དྲུག་རྡོ་རྗེ་བྲག་སྟེངས་ན།། འཇིག་རྟེན་སྐྱོང་བས
338a4 བཏུད་ཚུལ་ལོ།། དེ་དག་རྣམས་ཀྱི་བཀའ་སྡོད་ནི།། རྡོ་རྗེ་ཕྲ་མེན་གཏུམ་བག་ཅན།། མཆེ་གཤོག་འབར་བའི་ཚོགས་དང་འཁོར།། སླས་དང་བྱི་མོ་བྲན་མོ་དང་།། ཅི་བགྱི་ལ་སོགས་ཕོ་ཉའི་ཚོགས།། ཕྱི་རོལ་མུ་རན
338a5 དག་ལ་གནས།། ཞེས་གསུངས་པས་སྣང་སྲིད་ཐམས་ཅད་ཁྲོ་བོའི་དཀྱིལ་འཁོར་དུ་གྱུར་རོ།། དེ་ནས་བཅོམ་ལྡན་འདས་འཇིགས་བྱེད་ཆེན་པོས་གསུང་གི་དཀྱིལ་འཁོར་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ
338a6 ལས་ཕྱུང་ངོ་།། ཨོཾ་བྷྱཱཾ་བི་ཤྭ་བི་ཤུདྡྷེ་ཛྙཱ་ན་ཙཀྲ་བྷྱཱཾ།། ཨོཾ་ཨཽ་ཨཽ་ཨོ་ཨཽ། བ་བ་བ་བ་བ། ཛ་ཛ་ཛྲ་ཛྲ་ཛྲ། མ་མ་མ་མ་མ། ཧཱ་ཧཱ་ཧ་ཧཱ་ཧཱ། བུདྡྷ། བཛྲ་རཏྣ། པདྨ་ཀརྨ། ཤྲཱི་ཤྲཱི་ཤྲཱི་ཤྲཱི་ཤྲཱི། ཧེ་ཧེ་ཧེ་ཧེ་ཧེ། རུ་རུ་རུ་རུ་རུ། ཀ་ཀ་ཀ་ཀ
iiif viewer powered by OpenSeadragon
