| e-texts navigator |
| Wylie |
337b1 དུར་ཁྲོད་འབར་བའི་གཞལ་ཡས་ཁང་།། ཚད་དང་རྒྱ་ཡོངས་མ་ཆད་པ།། ཕྱི་ནང་མེད་པར་གསལ་བའི་འོད།། འཁོར་ལོ་འབར་བའི་རྩིབས་བཞི་པ།། གྲུ་ཆད་བར་ཁྱམས་བཞིས་བརྒྱན་པ།། གྲུ་བཞི་སྒོ་ཁྱུད་འབར
337b2 བས་མཛེས།། བར་ཁྱམས་གཉིས་ནི་འབར་བར་གསལ།། ཉི་ཟླ་སྦྲུལ་དང་ཐོད་པས་བརྒྱན།། ཁྱུ་མཆོག་དང་ནི་མ་ཧེ་གཟིག། སྟག་དང་གཏུམ་ཟུང་དོམ་དག་གིས།། སྡེར་མོས་དྲེགས་པ་བརྒྱ་བྱིན་དང་། ཚངས་པ
337b3 དབང་ཕྱུག་གཟུང་བ་ནི།། གདན་ཆེན་རྣམས་ཀྱང་བཟུང་བའོ།། དབུས་སུ་འཇིགས་བྱེད་ཆེན་པོ་ནི།། སྨུག་ནག་ཆེན་པོ་འཇིགས་པའི་གཟུགས།། དབུ་དགུ་ཕྱག་ཀྱང་བཅོ་བརྒྱད་དེ།། སྤྱན་འབར་བ་ནི་ཉི་ཤུ་བདུན།།
337b4 ཞབས་བརྒྱད་ཐུར་རུ་གཏམས་པའོ།། རྩུབ་པའི་ཕྱག་མཚན་སྐལ་བར་ཐོགས།། རྡོ་རྗེ་གཤོག་པ་ཕྱོགས་བཅུར་གཏམས།། དུར་ཁྲོད་རྒྱན་གྱིས་རབ་ཏུ་བཞུགས།། བཙུན་མོ་རྔམ་པ་ཀྲོ་དྷི་ཡང་།། ཚ་ལུགས་འཇིགས་བྱེད
337b5 ཆེན་པོ་ལྟར།། དེ་ཡི་ཕྱོགས་ཀྱི་ཁྲོ་བོ་ཡང་།། ཁྲག་འཐུང་རྡོ་རྗེ་རིན་ཆེན་དང་།། པདྨ་ལས་ཀྱི་ཧེ་རུ་ཀ། ཀུན་ཀྱང་དབུ་གསུམ་ཕྱག་དྲུག་སྟེ།། ཞབས་བཞི་དག་དུ་རྣམ་པར་བགྲད།། ཀྲོ་དྷིའི་ཚོགས་ཀྱིས་རབ་ཏུ་འཁྲིལ།།
337b6 འཁོར་ལོ་འབར་བའི་རྩེ་མཚན་ལ།། དཀར་མོ་ལ་སོགས་རལ་པ་ཅན།། རང་སྟན་ལག་ཆར་ཆས་ཏེ་གནས།། ཕྱི་རོལ་ཤར་གྱི་ཕྱོགས་དག་ནས།། སེང་གདོང་ལ་སོགས་མགོ་བརྙན་ཚོགས།། སྟན་དང་ལག
iiif viewer powered by OpenSeadragon
