| e-texts navigator |
| Wylie |
336b1 ཕྱག་བཅོ་བརྒྱད་བསྣོལ་ཏེ་བཙིར་བས་མི་གཙང་བའི་འདམ་ཆེན་པོར་འཁྱིལ་ཏོ།། དེ་ནས་བདུད་རྩི་འབྱུང་བའི་ཏིང་ངེ་འཛིན་ལ་ཞུགས་ནས་བདུད་རྩི་འབྱུང་ཞེས་བྱ་བ་གནས་ནས་རྣམ་པར་ཕྱུང་ངོ་།། ཨོཾ་བཛྲ་ཨ་མྲྀ་ཏ
336b2 མ་ཧཱ་ཁྲོ་དྷི་ཤྭ་རི་ཨུ་སྠི་ཛ། བཛྲ་ཨ་མྲྀ་ཏ་ཧཱུཾ་ཨ། དེ་ནས་ཁྲོ་མོ་བདུད་རྩི་ཆེན་མོ་དེ་སྨིན་མ་སྦྱར་ཞིང་ཤིན་ཏུ་རྔམ་པའི་བགད་པས་རུ་ལུ་རུ་ལུ་ཁཱ་ཧི་ཁཱ་ཧི་ཞེས་བདུད་རྩིར་བསྒྲུབས་ཏེ་གསོལ་བས་གདུག་པ་ཅན་ཐམས
336b3 ཅད་སྔ་མ་བཞིན་དུ་རང་རང་གི་ལུས་སོས་པར་གྱུར་ཏེ་སེམས་དྲན་ནས་དཔལ་ཆེན་ཡེ་ཤེས་རྔམ་པའི་རྒྱལ་པོའི་སྐུ་དབུ་དགུ་བརྒྱ་ཕྱག་སྟོང་བརྒྱད་བརྒྱ། ཞབས་བརྒྱད་བརྒྱར་གནས་ཤིང་ཡབ་ལ་ཁྲོ་བོ་བརྒྱ་རྩ་བརྒྱད
336b4 ལྷུན་གྱིས་གྲུབ་པར་མཐོང་། ཕྲ་མེན་མ་ཉི་ཤུའི་ཚོགས་ཀྱང་ཤིན་ཏུ་རྔམ་པའི་གཟུགས་རང་རང་གི་སྟན་དང་ལག་ཆར་གནས་པ་མཐོང་ནས། ཤིན་ཏུ་ངོ་མཚར་དུ་གྱུར་ནས་ཞུམ་པའི་ང་རོས་གསོལ་བ་བཏབ་པ།
336b5 བདག་ཅག་འཁོར་དང་བཅས་པ་རྣམས།། རྔམ་ཆེན་རྒྱལ་པོའི་འབངས་སུ་མཆི། འབངས་སུ་ནན་ཏན་མ་བགྱིས་ན།། མགོ་ལུས་སྙིང་ཡང་རུལ་ནས་ནི།། གཙོ་བསྲེགས་གནས་སུ་འབོད་སྒྲོགས་ཤོག། བདག་ཅག
336b6 རྣམས་ཀྱི་མ་དང་སྲིང་།། མཆིས་བྲང་དག་ནི་བུ་མོ་རྣམས།། འབར་བའི་དཀྱིལ་འཁོར་བཞེས་སུ་གསོལ།། བདག་ཅག་རྣམས་ཀྱི་མགོ་བཅད་ལ།། འབར་བའི་དཀྱིལ་འཁོར་རྒྱན་དུ་བཞེས།། བདག་ཅག་རྣམས་ཀྱི
iiif viewer powered by OpenSeadragon
