| e-texts navigator |
| Wylie |
336a1 ཚོགས་དང་། མ་མོའི་ཚོགས་རྣམས་འཐོན་ཏེ། དེས་ནས་ཡང་དགྱེས་ཏེ་ཧེ་ཧེ་ཞེས་བརྗོད་པས་བྱང་ཆུབ་སེམས་ལས་སེང་གདོང་གི་ཚོགས་དང་། སྟག་གདོང་གི་ཚོགས་དང་། ཝ་གདོངས་གི་ཚོགས་དང་།
336a2 ཁྱི་གདོང་གི་ཚོགས་དང་། བཞད་གདོང་གི་ཚོགས་དང་། དུར་བྱའི་གདོང་གི་ཚོགས་དང་། བྱ་རོག་གི་གདོང་གི་ཚོགས་དང་། འུག་པའི་གདོང་གི་ཚོངས་རྣམས་འཐོན་ཏོ།། དེ་ནས་ཡང་དགྱེས་ཏེ་ཕཊ་ཅེས་བརྗོད་པས
336a3 བྱང་ཆུབ་སེམས་ལས་རྟ་གདོང་གི་ཚོགས་དང་། ཕག་གདོང་གི་ཚོགས་དང་། སེང་གདོང་གི་ཚོགས་དང་། སྦྲུལ་གདོང་གི་ཚོགས་འཐོན་ནས་ཉི་ཤུ་རྩ་བརྒྱད་འཁོར་དང་བཅས་པ་རྣམས་རང་རང་གི་གདན་ག་ལ་བ་དེར
336a4 ཡུད་ཙམ་གྱིས་ཕྱིན་པར་ཕཊ་ཅེས་སྤྲོས་སོ།། དེའི་ཚེ་འཇིག་རྟེན་གྱི་ཁམས་མཐའ་ཡས་མུ་མེད་པ་རྣམས་ན་དྲེགས་པ་གང་ཇི་སྙེད་ཡོད་པ་ཐམས་ཅད་ཚུལ་ཇི་ལྟར་འདུལ་བ་དང་། ཐབས་ཅིས་འདུལ་བ་སྣ་ཚོགས་ཀྱིས
336a5 བཅོམ་ལྡན་འདས་ཀྱི་མཐུས་བཏུལ་བར་གྱུར་ཏོ།། དེ་ནས་བཅོམ་ལྡན་འདས་ཀྱིས་ཁྲོ་བོ་དེ་དག་ལ་དྲེགས་པའི་ཚོགས་སླར་གསོལ་ཅིག་ཅེས་བཀའ་སྩལ་པས། ཁྲོ་བོ་དེ་དག་གིས་གསོལ་པ། བཅོམ་ལྡན་འདས་ཉིད
336a6 ཀྱིས་གསོ་བར་གསོལ་ཞེས་པ་དང་། བཅོམ་ལྡན་འདས་ཉིད་ཀྱིས་ཁྲོ་བོ་དེ་དག་གཅིག་ཏུ་ཧཱུཾ་ཞེས་པས་བསྡུས་ཏེ། དབུ་དགུ་ཕྱག་བཅོ་བརྒྱད་པའི་ཚུལ་དུ་རྣམ་པར་གནས་སོ།། དེ་ནས་ཡེ་ཤེས་རྔམ་པའི་རྒྱལ་པོ་དེས
iiif viewer powered by OpenSeadragon
