| e-texts navigator |
| Wylie |
335b1 དྲུག་ཞབས་བཞིར་གྱུར་ཏེ། ཁྲག་གི་རྒྱ་མཚོ་འཁྲུག་པའི་དཀྱིལ་ན་ཀེང་རུས་ཀྱི་སྟེང་ན་རྣམ་པར་གནས་སོ།། ཁྲོ་བོ་ཚོལ་བ་དེ་དག་གི་ཀྱང་ཕྱོགས་བཅུའི་དྲེགས་པ་ཇི་སྙེད་པ་ཀུན་བསྒྲལ་ཏེ་སླར་འདུས་ནས། ལ་ལ་ནི
335b2 རྡོ་རྗེ་ཁྲག་འཐུང་ཆེན་པོར་གྱུར་ནས་བརྒྱ་བྱིན་འཁོར་དང་བཅས་པ་བསྒྲལ། ལ་ལ་ནི་རིན་ཆེན་ཁྲག་འཐུང་དུ་གྱུར་ཏེ་ཚངས་པ་འཁོར་དང་བཅས་པ་བསྒྲལ། ལ་ལ་ནི་པདྨ་ཁྲག་འཐུང་ཆེན་པོར་གྱུར་ཏེ། མ་ཧཱ་དེ་བ
335b3 འཁོར་དང་བཅས་པ་བསྒྲལ། ལ་ལ་ནི་ལས་ཀྱི་ཁྲག་འཐུང་ཆེན་པོར་གྱུར་ཏེ། ཁྱབ་འཇུག་འཁོར་དང་བཅས་པ་བསྒྲལ། ཁྲོ་བོ་དེ་དག་གིས་དྲེགས་པ་ཅན་དེ་དག་གི་ནང་གྲོལ་ཀུན་དྲངས། ཁྲག་འཐུངས། རུས་པ་ཀུན
335b4 འཆོས་སོ།། དེ་ནས་དགྱེས་ཏེ་ཨོཾ་རུ་ལུ་རུ་ལུ་ཛ་ཛ་ཞེས་བརྗོད་པས། དབང་ཕྱུག་ཆེན་པོ་བཅུ་གཉིས་དང་བརྒྱད་ཀྱི་འཁོར་ཚོགས་མ་ལུས་པ་ཡུད་ཙམ་ཅིག་གིས་དབང་དུ་འདུས་པར་གྱུར་པ་ནི་དཔེར་ན་རྡོ་ཁབ་ལེན་ལ
335b5 ལྕགས་འདུ་བའི་ཚུལ་ལོ།། བཅོམ་ལྡན་འདས་དཔལ་ཆེན་པོའི་སྐུ་ལ་རྣམ་པར་བརྒྱད་ཀྱིས་འཁྲིལ་བའི་ཚུལ་དུ་གནས་སོ།། ཁྲག་འཐུང་བཞི་ལ་རྣམ་པ་ལྔ་ལྔས་འཁྲིལ་བའི་ཚུལ་གྱིས་རྣམ་པར་གནས་པ་དང་། དགྱེས
335b6 ཏེ་ཧ་ཧ་ཞེས་བརྗོད་པས་བྱང་ཆུབ་སེམས་ལས་དཀར་མོའི་ཚོགས་དང་། རྐུན་མོའི་ཚོགས་དང་། སྦོམ་མོའི་ཚོགས་དང་། གཏུམ་མོའི་ཚོགས་དང་།། རྨོངས་མོའི་ཚོགས་དང་། ཐལ་བྱེད་མའི་ཚོགས་དང་། སྨེ་ཤ་ཅན་གྱི
iiif viewer powered by OpenSeadragon
