| e-texts navigator |
| Wylie |
335a1 ཡིན་དང་། འཁོར་དུ་གཏོགས་པ་རྣམས་མ་སྐྲག་ཅིག། ངའི་མཐུ་འདི་ལ་གཞན་གང་གིས་ཀྱང་བརྫི་བར་མི་ནུས་སོ་ཞེས་སྤྲོ་བསྲིངས་སོ།། ཀྭ་བརྒྱ་བྱིན་དང་ཚངས་པ་དང་ཁྱབ་འཇུག་རྣམས་ཁྱོད་ཀྱང
335a2 འཇིག་རྟེན་ན་མཐུ་ཆེ་བའི་ཆེན་པོ་ཡིན་པས་རང་རང་གི་མཐུ་དང་རྫུ་འཕྲུལ་ཅི་ཡོད་པས་རང་རང་གི་འཁོར་གདུག་པ་དེ་དག་དབུགས་དབྱུང་བར་མཛོད་ཅིག་ཅེས་བསྒོའོ།། དེ་ནས་བརྒྱ་བྱིན་དང་། ཚངས་པ་དང་།
335a3 ཁྱབ་འཇུག་རྣམས་དེ་མ་ཐག་ཏུ་རང་རང་གི་མཐུ་ཅི་ཡོད་པ་སྟོན་ཅིང་རྡོ་རྗེའི་སྐད་དང་གད་མོ་དྲག་པོ་འབྱིན་ཅིང་རང་རང་གི་འཁོར་རྣམས་ལ་མ་སྐྲག་མ་དངང་ཤིག། བདག་ཅག་གི་མཐུ་འདི་ལྟ་བུ་གཞན་གང་གིས་ཀྱང
335a4 ཟིལ་གྱིས་གནོན་པར་མི་ནུས་སོ་ཞེས་སྤྲོ་སྲིང་ངོ་།། དེ་ནས་བཅོམ་ལྡན་འདས་ཡེ་ཤེས་རྔམ་པའི་རྒྱལ་པོ་དེས་དེ་བཞིན་ཉིད་ཀྱི་དབྱིངས་ནས་ཡུམ་རྔམ་པའི་ཀྲོ་དྷིའི་རྒྱལ་མོ་མངོན་པར་ཕྱུང་སྟེ། ཧི་ཧི་དགྱེས་པའི་གཟི
335a5 མདངས་ཀྱི་རོལ་པའི་དགྱེས་པས་ཐིམ་པར་མཛད་ནས། བྱང་ཆུབ་སེམས་ཀྱི་སྤྲིན་ལས་ཕཊ་ཕཊ་བཛྲ་ཀྲོ་དྷ་ཛ་ལ་མཎྜལ་ཧ་ལ་ཧ་ལ་ཞེས་པས་སྟོང་གསུམ་ཁྲོ་བོ་ཚོལ་པས་གང་བར་གྱུར་ཏོ།། དེ་ནས་བཅོམ་ལྡན་འདས
335a6 དགྱེས་པར་ཆེན་པོ་ཉིད་ནི་དབུ་དགུ་ཕྱག་བཅོ་བརྒྱད་ཞབས་རྣམ་པ་བརྒྱད་ཀྱི་རྣམ་པར་སྣང་ངོ་།། དེ་ནས་དགྱེས་ཏེ་ཧཱུཾ་ཧཱུཾ་ཧཱུཾ་ཞེས་བརྗོད་པས་དབུ་དགུ་ཕྱག་བཅོ་བརྒྱད་ལས་འདུལ་བའི་དབང་གིས་དབུ་གསུམ་ཕྱག
iiif viewer powered by OpenSeadragon
