| e-texts navigator |
| Wylie |
334b1 མོངས་པ་དང་ཉེ་བའི་ཉོན་མོངས་པས་གཞན་ལ་གཙེས་པ་དང་། གཅིག་ཤ་གཅིག་གིས་ཟ་བ་དང་། ལོག་པའི་ལམ་ལ་གནས་པའི་འཇིག་རྟེན་གསུམ་པོ་འདུ་བརླག་གོ་ཞེས་སྔོན་གྱི་སྨོན་ལམ་ལ་གནས་པའི་དེ་བཞིན
334b2 གཤེགས་པ་རྣམས་དང་། གསང་བ་མཆོག་གི་བདག་པོ་ཆེན་པོས་རྣམ་པར་གཟིགས་ནས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ཁྲོ་བོའི་དཀྱིལ་འཁོར་གློག་རྣམ་པར་འཕྲོ་བ་འདི་བྱུང་ངོ་།། ཨོཾ་བཛྲ་མ་ཧཱ་ཙཎྜ་སུཥྚ་ན་ཏ
334b3 ཀ་ཧ་ན་ད་ཧ་པ་ཙ། བི་ཤྲ་ཀྲོ་དྷ་ཛ་ལ་མཎྜལ་ཕཊ་ཕཊ་ཕཊ་ཧ་ལ་ཧ་ལ། འདི་ཕྱུང་མ་ཐག་ཏུ་ཁྲོ་བོ་ཆེན་པོའི་མཐུས་ཁམས་གསུམ་འདི་དག་ཐམས་ཅད་གཡོས་རབ་ཏུ་གཡོས། ཀུན་ཏུ་རབ་ཏུ་གཡོས་སོ། འུར་འུར་རབ
334b4 ཏུའུར་འུར། ཀུན་ཏུ་རབ་ཏུ་འུར་འུར་རོ།། ཤིག་ཤིག་རབ་ཏུ་ཤིག་ཤིག། ཀུན་ཏུ་རབ་ཏུ་ཤིག་ཤིག་གཏོར་གཏོར། རབ་ཏུ་གཏོར་གཏོར། ཀུན་ཏུ་རབ་ཏུ་གཏོར་གཏོར། ལྷ་དང་། ཀླུ་དང་། གནོད་སྦྱིན་དང་། དྲི་ཟ
334b5 དང་། ནམ་མཁའ་ལྡིང་དང་། སྲིན་པོ་ལ་སོགས་རྣམས་འཁྲུགས་པ་ཆེན་པོར་གྱུར་ཏོ།། དེ་ནས་འཇིགས་པས་ཉེན་པ་དེ་དག་བརྒྱ་བྱིན་ལ་སྐྱབས་སུ་སོང་།། བརྒྱ་བྱིན་ཡང་འཇིགས་པས་ཉེན་ཏེ་ཚངས་པའི་ཟད་དུ་ཕྱིན།།
334b6 ཚངས་པ་ཡང་ཁྱབ་འཇུག་ཐད་དུ་སོང་། ཁྱབ་འཇུག་དབང་ཀྱང་ཕྱུག་ཆེན་པོའི་ཐད་དུ་སོང་།། དབང་ཕྱུག་ཆེན་པོ་རང་གི་མཐུ་ཡོད་ཡོད་པ་སྟོན་ཅིང་ལྷ་རྣམས་མ་སྐྲག། ཀླུ་རྣམས་དང་གནོད་སྤྲིན་རྣམས་དང་། ལྷ་མ
iiif viewer powered by OpenSeadragon
