| e-texts navigator |
| Wylie |
332a1 སྦྱར་ཏེ།། དེ་བཞིན་ཧཱུཾ་དང་ལཾ་དུ་སྦྱར།། ཧཾ་དང་པཾ་ཡང་དེ་བཞིན་ཏེ།། ཨཾ་དང་ཏཾ་དུ་སྦྱར་བ་ལ།། རྒྱལ་སྦྱར་སྭ་དང་མཾ་བསྒྲེང་བ།། འདི་ནི་ཡབ་ཀྱི་སྤྱི་རྒྱ་ཡིན།། ལག་པ་ཐལ་མོ་སྦྱར་བ་ལས།། ཨོཾ་དང་མྲྀ
332a2 སྦྱར་ཧཱུཾ་དང་ནི།། ལཾ་སྦྱར་སྭ་དང་བཾ་དུ་སྦྱར།། ཨོཾ་དང་མཾ་སྦྱར་ཧཾ་ཏཾ་བསྒྲེང་།། ཡུམ་གྱི་སྤྱི་རྒྱ་ཡིན་པར་བཤད།། རྡོ་རྗེ་ཁུ་ཚུར་སྙིང་གར་བཅངས།། ཨོཾ་བསྒྲེང་རྩེ་མོར་འཁོར་ལོ་འབར།། རིན་ཆེན་དྲིལ་གསིལ་ཆོས་ལ
332a3 བརྟན།། འཛུམ་པའི་མདངས་དང་བཅས་པ་ནི།། རྣམ་པར་སྣང་མཛད་ཕྱག་རྒྱ་ཡིན།། རིན་ཆེན་ཁུ་ཚུར་སྙིང་ཀར་བཅངས།། ལཾ་བསྒྲེང་རྩེ་ལ་དྲིལ་གསིལ་འབར།། རྡོ་རྗེ་ཐལ་མོ་ལས་ལ་འཁྲིལ།། འཛུམ་པའི་མདངས
332a4 དང་བཅས་པ་ནི།། བདེར་གཤེགས་དབྱིངས་ཕྱུག་མ་ཡི་རྒྱ།། རྡོ་རྗེ་ཁུ་ཚུར་སྙིང་གར་བརྟན།། ཧཱུཾ་བསྒྲེང་རྩེ་ལ་རྡོ་རྗེ་འབར།། རིན་ཆེན་དྲིལ་གསིལ་ཆོས་ལ་བརྟན།། འཛུམ་པའི་བདངས་དང་བཅས་པ་ནི།། རྡོ་རྗེ
332a5 སེམས་མའི་ཕྱག་རྒྱ་ཡིན།། རིན་ཆེན་ཁུ་ཚུར་སྙིང་གར་བརྟན།། མུཾ་བསྒྲེང་རྩེ་ལ་དྲིལ་གསིལ་འབར།། རྡོ་རྗེ་ཐལ་མོ་ལས་ལ་འཁྲིལ།། འཛུམ་པའི་མདངས་དང་བཅས་པ་ནི།། རྡོ་རྗེ་དབྱིངས་ཕྱུག་ཕྱག་རྒྱ་ཡིན།།
332a6 ཁུ་ཚུར་སྙིང་གར་བརྟན། སྲ་བསྒྲེང་རྩེ་ལ་རིན་ཆེན་འབར།། རིན་ཆེན་དྲིལ་གསིལ་ཆོས་ལ་བརྟན།། འཛུམ་པའི་མདངས་དང་བཅས་པ་ནི།། རིན་ཆེན་འབྱུང་བའི་ཕྱག་རྒྱ་ཡིན།། རིན་ཆེན་ཁུ་ཚུར་སྙིང་གར་བརྟན།། མཾ
iiif viewer powered by OpenSeadragon
