| e-texts navigator |
| Wylie |
331b1 སུ།། མཚན་མའི་རྣམ་པར་གསལ་བའོ།། རྩ་བ་བསྐྱེད་དང་བཟླས་པ་ཡིས།། སྙིང་པོ་ཚིག་བརྗོད་བཟླས་པའི་རྒྱ།། བཞི་པ་ལས་ཀྱི་ཕྱག་རྒྱ་ལ།། རྣམ་པ་གསུམ་དུ་དཔའ་བོས་གསུངས།། བསྒོམ་དང་འཕྲོ་འདུ་བཅིང
331b2 པའོ།། ལས་ཀྱི་ལྷ་ཡི་རྣལ་འབྱོར་གང་།། བསྒོམ་པ་སྒོམ་པ་ལས་ཀྱི་རྒྱ།། ལྷ་འོག་མཁའ་འམ་ཐུགས་ཀ་ནས།། རྣམ་བཞི་ལས་ཀྱི་འཕྲོ་འདུ་ནི།། འཕྲོ་འདུ་ལས་ཀྱི་ཕྱག་རྒྱའོ།། ཕྱག་རྒྱ་བཅའ་དང་སྟངས་ཚུལ་རྣམས།།
331b3 བཅིང་བ་ལས་ཀྱི་ཕྱག་རྒྱ་བཤད།། ལག་རྒྱ་དམ་ཚིག་ཕྱག་རྒྱ་རྣམས།། རང་གི་སྐུ་རུ་རྣམ་བསྒོམས་ནས།། བཅིངས་ཤིང་མཁའ་ལ་རྣམ་བཀྲོལ་ན།། སྡིག་པ་ཀུན་ལས་རྣམ་གྲོལ་ཞིང་།། སངས་རྒྱས་ཉིད་ཀྱང་འཐོབ
331b4 འགྱུར་ན།། དངོས་གྲུབ་གཞན་ལྟ་སྨོས་ཅི་དགོས།། བདག་ཉིད་ཕྱག་རྒྱ་ཆེར་བསྒོམ་པ།། དབུ་ནི་རྣམ་པར་སྣང་མཛད་དེ།། ལག་གཡས་རྡོ་རྗེ་སེམས་དཔའི་རྒྱ།། ལག་གཡོན་རིན་ཆེན་འབྱུང་ལྡན་རྒྱ།། རྐང་པ་གཡོན
331b5 པ་སྣང་མཐའ་ཡས།། རྐང་གཡས་ལས་ཀྱི་སེམས་དཔའི་རྒྱ།། ཡན་ལག་རིགས་ཀྱི་དཀྱིལ་འཁོར་བས།། བསྐུལ་བསྐྱོད་ཐམས་ཅད་ཕྱག་རྒྱ་ཡིན།། སོར་མོ་རྣམས་ལ་བསྒོམ་བྱ་བ།། གུང་མོ་གཉིས་ལ་ཨོཾ་དཔ་ལཾ།
331b6 འཛུབ་མོ་གཉིས་ལ་ཧཱུཾ་དང་མུཾ།། དབང་མོ་གཉིས་ལ་སྭ་དང་མཾ།། ཆུང་ངུ་གཉིས་ལ་ཨོཾ་དང་བཾ།། སྦོམ་པོ་གཉིས་ལ་ཧཾ་དང་ཏྲཾ།། གཡས་པའི་འབྲུ་གདན་ཉི་མ་སྟེ།། གཡོན་པ་ཟླ་བའི་དཀྱིལ་འཁོར་རོ།། ཨོཾ་དང་མུཾ་དུ་རྩེ
iiif viewer powered by OpenSeadragon
