| e-texts navigator |
| Wylie |
331a1 འཁོར་རིམ་པར་ཕྱེ་བའི་ལེའུ་སྟེ་བདུན་པའོ།། །། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེ་ཆོས་ཐམས་ཅད་ལྷུན་གྱིས་གྲུབ་པའི་ཕྱག་རྒྱ་ལས་མི་འདའ་བ་ཞེས་བྱ་བའི་ཏིང་ངེ་འཛིན
331a2 ལ་སྙོམས་པར་ཞུགས་ནས་ཕྱག་རྒྱ་དམ་ཚིག་གི་མཚན་ཉིད་རྣམས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་།། གསང་སྔགས་རྒྱ་མཚོ་ཆེན་པོ་འདི།། ཕྱག་རྒྱ་བསམ་ཡས་ཇི་སྙེད་པ།། མདོར་བསྡུས་རྣམ་པ
331a3 བཞི་རུ་འདུས།། དང་པོར་ཕྱག་རྒྱ་ཆེན་པོ་སྟེ། གཉིས་པ་དམ་ཚིག་རྒྱ་ཡིན་ནོ།། གསུམ་པ་ཆོས་ཀྱི་ཕྱག་རྒྱ་སྟེ། བཞི་པ་ལས་ཀྱི་ཕྱག་རྒྱ་སྟེ། ཕྱག་རྒྱ་ཆེན་པོ་སྐུ་ཡི་རྒྱ།། རང་བཞིན་ཆོས་སྐུ་དངོས་མེད་རྒྱ།། གཟུགས་སྐུ
331a4 མཚན་མའི་རྒྱ་ཞེས་བཤད།། གཟུགས་སྐུ་རང་བཞིན་ཀུན་རྫོབ་དང་།། བསྒོམ་དང་བསྐྱེད་པ་ཡིན་པར་བཤད།། གཉིས་པའི་རྒྱལ་གསུམ་ཡོད་དེ།། བསྒོམ་དང་གཟུང་དང་བཅིང་བའོ།། བསྒོམ་པ་དམ་ཚིག་གསུང
331a5 ཡིན་ཏེ།། གསལ་ལྡན་མའམ་བྱིན་བརླབས་པའོ།། གཟུང་བ་ཐུགས་མཚན་ཉིད་བཟུང་བའོ།། དམ་ཚིག་ལག་རྒྱ་བཅིང་བར་བཤད། ཡང་ན་སོ་སོའི་གཙོ་གཟུང་རྣམས།། སྦྱོར་ཐབས་ཕྱག་རྒྱ་ཉིད་ཡིན་ནོ།། གསུམ
331a6 པའི་རྒྱ་ལ་གསུམ་ཡོད་དེ།། རང་བཞིན་བསྒོམ་དང་བཟླས་བརྗོད་དོ།། རང་བཞིན་ཆོས་ཀྱི་ཕྱག་རྒྱ་ནི།། ཆོས་ཀྱི་དབྱིངས་སུ་རྒྱལ་བས་གསུངས།། བསྒོམ་པ་མཚན་མའི་ཡིག་འབྲུ་དག། ལྕེ་སྟེང་སྙིང་ག་མཁའ་སོགས
iiif viewer powered by OpenSeadragon
