| e-texts navigator |
| Wylie |
31b1 དག་པའི་སྒོ་ཡིན་ནོ།། ཆོས་སྣང་བའི་སྒོ་ཡིན་ནོ།། ཆོས་ཀྱི་དབྱིངས་ཡིན་ནོ།། ཆོས་ཀྱི་གླེགས་བམ་ཆེན་པོ་ཡིན་ནོ།། ཆོས་ཀྱི་རྒྱུན་གྱི་ཏིང་ངེ་འཛིན་ཆེན་པོ་ཡིན་ནོ།། ཀྱེ་ལང་ཀའི་བདག་པོ་དེ་ཡང་འདི་ལྟ་སྟེ། གང་གིས
31b2 སེམས་ཀྱི་དེ་ཁོ་ན། གསང་བའི་སྙིང་པོ་དེས་རྙེད་ན།། འདྲེན་པའི་ཚིག་གིས་མ་བཀྲོལ་ཡང་།། སེམས་ལ་ཆོས་འབྱུང་འབུམ་ཕྲག་ཡས།། སྨྲ་བའི་སྒོ་མོར་ཐམས་ཅད་གསལ། དོན་ལ་ངེས་པའི་གཏན་ཚིགས་ནི།། ཚིག
31b3 ཏུ་མཚོན་ཏེ་འབྱིན་པར་ནུས།། ཆོས་རྒྱུན་ཏིང་འཛིན་ཐོབ་པ་ཡིན།། ཀྱེ་ལང་ཀའི་བདག་པོ་དེ་ལྟར་ན་སེམས་ཀྱི་དེ་ཁོ་ན་ཉིད་ནི་བྱང་ཆུབ་ཆེན་པོ་ཡིན་ལ།། བྱང་ཆུབ་ཆེན་པོ་ནི་རྡོ་རྗེ་སེམས་དཔའི་སྟེ། དེ་ཡང་སངས
31b4 རྒྱས་ཀུན་གྱི་བདུད་རྩིར་གྱུར་པ་འདི་ལྟ་སྟེ། བྱང་ཆུབ་སེམས་ཀྱི་ཆུ་མེད་ན།། རྒྱལ་བ་རྣམས་ཀྱང་སྐམས་པར་འགྱུར།། བྱང་ཆུབ་སེམས་ཀྱི་ཆུ་བོ་འདིས།། སྔོན་ཞེ་ན་མཐ་དང་རྡོས་སྐམས་རླན།། སེམས་ཀྱི་རང་བཞིན
31b5 སྟོང་ཉིད་པས། དེ་ལས་བྱུང་བ་ཐམས་ཅད་སྟོང་།། དེ་སྟོང་པས་ན་བྱང་ཆུབ་ཀྱང་།། སྟོང་ཉིད་སྙིང་པོ་དེ་ཁོ་ན།། རང་འབྱུང་ཡེ་ཤེས་ཆུ་ཆེན་པོ།། རྨད་འབྱུང་རྒྱ་མཚོའི་ཀློང་དཀྱིལ་ནས།། བྱང་ཆུབ་བདུད་རྩིའི་ཆུ་བྱུང
31b6 པས། རྒྱལ་བ་ཐམས་ཅད་བསིལ་བར་མཛད།། འདི་ནི་གསང་བའི་སྙིང་པོ་སྟེ།། རྡོ་རྗེ་སེམས་དཔའི་དེ་ཁོ་ན།། ཉིད་དུ་ངེས་པའི་ངོ་བོ་ཡིན།། རྒྱལ་བ་ཀུན་གྱིས་དམ་པར་བསྔགས།། དེ་བས་དེའི་ཕྱིར་ལང་ཀའི་བདག
iiif viewer powered by OpenSeadragon
