| e-texts navigator |
| Wylie |
315b1 འབྲས་བུས་བརྒྱན་པ་ལ།། བདུད་རྩི་ལྔ་ཡིས་གང་བྱས་པ།། སྨན་དང་རིན་ཆེན་འབྲུ་རྣམ་ལྔས།། གང་བ་བརྒྱད་དམ་བཅུ་དྲུག་གཞག། དཀྱིལ་འཁོར་བདག་པོས་མངོན་བསྔགས་པའི།། རྣམ་རྒྱལ་བུམ་པ་དེ་བཞིན་དུ།།
315b2 དབུས་ཉིད་དུ་ནི་གཞག་པར་བྱ།། ཡང་ན་བུམ་པའི་སྦྱིན་པར་རོ།། ཟླ་བ་ཉི་མ་དྲི་ཆུ་དང་།། བཏུང་བ་རབ་ཏུ་སྣུམ་པོ་དང་། དབང་པོ་ཀུན་ནས་འབྱུང་བ་རྣམས། ཤ་སྲང་གཅིག་གི་རབ་བསྲེས་པས།། གང་བའི་བན་ད
315b3 དེ་བཞིན་བཞག། རྨད་དུ་བྱུང་བའི་གཏོར་མ་དགྲམ།། དེ་ལ་སོགས་པ་མཐའ་ཡས་མཆོག། ཅི་རིགས་རྣམས་ཀྱིས་མཛེས་པར་བྱ།། ཞེས་གསུངས་སོ།། དེ་ལ་འདི་དག་ནི་འཕན་སྡུད་ཀྱི་ལས་སྤྱིར་བསྟན་པའོ།། དེ་ནས
315b4 སྔགས་པ་མཉམ་བཞག་སྟེ། ཏིང་འཛིན་དཀྱིལ་འཁོར་གསལ་བར་བསྒོམ།། གསལ་བ་གཉིས་མེད་དཀྱིལ་འཁོར་དུ།། རང་བཞིན་ཀུན་རྫོབ་སྤྱན་དྲངས་དང་། དབབ་དང་བཞུགས་དང་བརྟན་པ་དང་།། མི་གཡོ་དམ
315b5 ཚིག་ཟིལ་གནོན་དང་།། ཕྱག་འཚལ་མཆོད་པར་བརྗོད་པ་དང་།། གསང་བ་མཆོག་གི་དཀྱིལ་འཁོར་དུ།། འཇུག་དང་དངོས་གྲུབ་གསོལ་བ་དང་། དབང་བསྐུར་བ་ཡི་ལས་རྣམས་བྱ།། དེས་ནི་ཚེ་འདི་ཉིད་ལ་ཡང
315b6 སངས་རྒྱས་ཉིད་ཀྱང་ཐོབ་འགྱུར་ན།། དངོས་གྲུབ་གཞན་ལྟ་སྨོས་ཅི་དགོས།། ཞེས་གསུངས་སོ།། འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་གཟུགས་བརྙན་གྱི་དཀྱིལ
iiif viewer powered by OpenSeadragon
