| e-texts navigator |
| Wylie |
315a1 གདབ།། དེ་ནས་ས་ཐིག་གདབ་པ་ཡང་།། འདུས་པའི་དབང་གི་བྱེ་བྲག་ལས།། མཎྜལ་ཚད་མ་ངེས་པ་མེད།། སོར་བཞི་པ་ནས་བརྩམ་ནས་སུ།། ཇི་སྲིད་དཔག་ཚད་ཐུབ་པར་རོ།། ཨོཾ་ཛྙཱ་ན་ཙཀྲ་སུ་ཏྲ་མ
315a2 ཏུ་ཀྲ་མ་ཧཱུཾ་ཞེས་གསུངས་སོ།། དེ་ལ་འདི་ནི་ཚོན་དགྱེ་བའི་ཆོ་གའོ།། རང་བཞིན་ཀུན་རྫོབ་ཅི་འདྲ་དང་།། ཏིང་འཛིན་དཀྱིལ་འཁོར་དེ་འདྲ་བར།། བརྙན་མ་ཡང་ནི་དེ་འདྲ་བྲི།། ཚོན་སྣ་འབྲས་དང་འབྱུང་ཁུངས་སམ།།
315a3 རྡོ་ཁམ་རིན་ཆེན་དག་ལ་བྱ།། སྣ་གསུམ་སྣ་ལྔ་དག་དང་ནི།། རིན་ཆེན་ཕུང་པོའི་ཚོན་གྱིས་ནི།། དབུས་ཀྱི་ཕོ་བྲང་བསྐོར་བ་ཡིན།། སྒོ་ལ་རྣམ་ལྔས་བསྐོར་བར་བྱ།། ཕྱག་རྒྱ་གཞན་ལ་རྐྱང་པས་སོ།། དཀར་དམར་སེར
315a4 ལྡང་ནག་པོ་རྣམས།། གོ་རིམས་དེ་ཡིས་བཀོད་པར་བྱ།། གཙོ་བོ་གཟུགས་སུ་རྫོགས་པར་བྲི།། འཁོར་རྣམས་ཕྱག་རྒྱ་དག་ཏུ་བྱ།། ཕལ་པ་དག་ལ་ཡིག་འབྲུས་སོ།། ཞེས་གསུངས་སོ།། དེ་ལ་འདི་ནི་དཀྱིལ་འཁོར་གྱི
315a5 རྒྱན་དགོད་པའི་ཆོ་གའོ།། དེ་ནས་བསྒྲུབ་པའི་དཀྱིལ་འཁོར་ལ།། བླ་རེ་རྒྱལ་མཚན་འཕན་དང་གདུགས།། པི་བང་གླིང་བུ་བརྡབ་པ་དང་། རྫ་རྔ་མུ་ཀུན་རྔ་ཆེན་དང་།། ད་རྡ་ར་དང་མི་ཙར་དང་། དབྱངས་དང་གར
315a6 དང་བཞད་པ་ཆེ།། རོལ་མོའི་ཡོ་བྱ་ཇི་སྙེད་པས།། དགའ་བྱད་དཀྱིལ་འཁོར་དག་ལ་བརྒྱན།། བུམ་པ་རྣམ་པ་སྣ་ཚོགས་ཀྱི།། གསེར་དང་དངུལ་ལས་བྱས་པའོ།། རིགས་དང་མཐུན་པའི་གོས་ཀྱིས་དཀྲིས།། མེ་ཏོག
iiif viewer powered by OpenSeadragon
