| e-texts navigator |
| Wylie |
314b1 སོ་ཤིང་བྲིམ་དང་རྨི་ལྟས་བརྟག། མཆོད་པའི་ཡོ་བྱད་ཇི་སྙེད་དང་།། རྒྱན་དུ་འོས་པའི་རྣམ་པ་ཀུན།། ཚང་བར་བསོགས་ཏེ་བྱིན་གྱིས་བརླབ།། འདུས་པའི་སེམས་ཅན་དེ་དག་ཀུན།། ཆོས་གཏམ་རིམ་པས་དབུགས
314b2 ཕྱུང་སྟེ།། གསང་སྔགས་ཆེ་བའི་ཡོན་ཏན་བཤད།། ཅེས་གསུངས་སོ།། དེ་ལ་འདི་ནི་དཀྱིལ་འཁོར་བྲི་བའི་དུས་སོ།། རིག་བྱེད་དག་གི་ཡན་ལག་ལས།། དུས་རྣམས་ཤེས་པར་བྱ་བ་ནི།། བཀྲ་ཤིས་ལྷ་ཡི་ཉི་མ་དང་།།
314b3 འབྱོར་ལྡན་དུས་ཚོད་བཟང་བ་ནི།། མཚན་མའི་རྟོག་པ་ཡིན་མོད་ཀྱང་།། བརྟགས་ན་དངོས་གྲུབ་མཚན་མར་འབྱུང་།། ཞེས་གསུངས་སོ།། དེ་ལ་འདི་ནི་ཐིག་གདབ་པའི་ཆོ་གའོ།། ཚོན་དང་ཐིག་སྐུད་རྣམ་ལྔ་ལ།།
314b4 སངས་རྒྱས་ལྔ་ཡིས་བྱིན་བརླབས་ཏེ།། སྤྲུལ་པ་འཕྲོ་འདུ་རྒྱུན་མི་གཅད།། སྤོས་སམ་ལྕེ་པོག་དཀར་པོ་ཡི།། དུད་པས་རྒྱུན་མི་བཅད་པར་འདུག། ཁྲོས་པས་དྲག་པོའི་སྔགས་ཟློས་ཤིང་།། ཁྲོ་བོ་ཁྲོ་མོའི་སྟངས་ཀྱིས
314b5 བསྐོར།། བདེ་བར་གཤེགས་པའི་ཐུགས་དམ་བསྒྲལ།། ཐིག་སྐད་སར་པ་གཙང་མའམ།། གསང་བའི་ལྕང་ལོ་འཁྲིལ་མདངས་སམ།། རྡོ་རྗེ་རྒུན་ཟག་ལ་སོགས་ལ།། ཡུམ་གྱི་གྲངས་དང་མཐུན་པར་བསྒྲིམ།། རྡོ་རྗེ་རྩེ
314b6 ལྔའི་ལུ་གུ་རྒྱུད།། བྱང་ཆུབ་སེམས་སུ་བྱིན་གྱིས་བརླབས།། ཐིག་གཡོས་ལས་ཀྱི་སེམས་མ་སྟེ།། མཚོན་ལྡན་བྱིན་གྱིས་བརླབས་ནས་ནི།། ཕྱག་རྒྱ་གར་དང་བཅས་པ་ཡིས།། རང་བཞིན་དཀྱིལ་འཁོར་གནམ་ཐིག
iiif viewer powered by OpenSeadragon
